ޕާކިސްތާނުގައި ފެންބޮޑުވެ، ގިނަ ބަޔަކު މަރުވުމާ ގުޅިގެން ރައީސް ޑރ. މުހައްމަދު މުއިއްޒު ތައުޒިޔާ ވިދާޅުވެއްޖެއެވެ.
ޕާކިސްތާނުގެ ބައެއް ސަރަހައްދުތަކަށް މިހާރު ކުރަމުންދާ މޫސުމީ ވިއްސާރައިގައި ފެންބޮޑުވެ، މިހާތަނަށް 300 އަށްވުރެ ގިނަ މީހުން ވަނީ މަރުވެފައެވެ.
އެކަމާ ގުޅިގެން އެކްސްގައި ރައީސް މުއިއްޒު މިއަދު ކުރެއްވި ޕޯސްޓެއްގައި ވިދާޅުވީ ޕާކިސްތާނަށް ބޯކޮށް ވާރޭވެހި ފެންބޮޑުވުމުގެ ސަބަބުން މަރުވި މީހުންގެ އާއިލާތަކަށް ދިވެހި ސަރުކާރާއި އެ މަނިކުފާނާއި ރައްޔިތުންގެ ނަމުގައި ތައުޒިޔާ ދަންނަވާ ކަމަށެވެ.
އެ ގޮންޖެހުން ބޮޑު ދަނޑިވަޅުގައި ޕާކިސްތާނުގެ ސަރުކާރަށް އެއްބާރުލުންދީ ރައްޔިތުންނާއެކު ރާއްޖެ އޮތީ އެއްބައިވަންތަކަމާ އެކީގައި ކަމަށް ރައީސް ވިދާޅުވިއެވެ.
ކިޔުންތެރިންގެ ހިޔާލު