މިއަދު ހެނދުނު 11:32 ގައި މިޔަންމާއަށް 7.6 މެގްނިޓިއުޑްގެ ބާރުގަދަ ބިންހެލުމެއް އައިސްފައިވާކަމަށް މޫސުމާބެހޭ ޤައުމީ އިދާރާއިން މަޢުލޫމާތު ދީފިއެވެ. ނަމަވެސް، މި ބިންހެލުމުގެ ސަބަބުން ދިވެހިރާއްޖެއަށް އެއްވެސް ނުރައްކަލެއް ކުރިމަތިވާނެކަމަށް ނުބެލެވޭކަމަށް އެ އިދާރާއިން ވަނީ ކަށަވަރުކޮށްދީފައެވެ.

An Earthquake of magnitude 7.6 has occurred in Myanmar. There is no threat to Maldives.

މޫސުމާބެހޭ ޤައުމީ އިދާރާއިން ހާމަކުރި މަޢުލޫމާތުގައިވާ ގޮތުން، ބިންހެލުން އައި ސަރަހައްދާއި މާލެއާ ދެމެދު ގާތްގަނޑަކަށް 3121 ކިލޯމީޓަރުގެ ދުރުމިނެއް ހުރެއެވެ. މި ދުރުމިނުގެ ސަބަބުން ރާއްޖެއަށް އެއްވެސް އަސަރެއް ކުރާނެކަމަށް ނުބެލެވޭކަމަށް އެ އިދާރާއިން ވަނީ ފާހަގަކޮށްފައެވެ.

އެހެންނަމަވެސް، ރާއްޖެއާ ކައިރި ސަރަހައްދުތަކަށް އަންނަ ބިންހެލުންތަކުގެ އަސަރު ބައެއް ހާލަތްތަކުގައި ރާއްޖެއަށް ކުރާކަން ފާހަގަކުރެވެއެވެ. މިގޮތުން 2004 ވަނަ އަހަރު އިންޑޮނޭޝިއާގެ ސުމަޓްރާއަށް އައި ބިންހެލުމާ ގުޅިގެން ރާއްޖެއަށް ކުރިމަތިވި ސުނާމީގެ ހާދިސާ ފާހަގަކޮށްލެވެއެވެ.

އިޝްތިހާރު އިޝްތިހާރު