ރައީސް ޑރ. މުހައްމަދު މުއިއްޒު މިއަދު ގއ. ކަނޑުހުޅުދު އަށް ވަޑައިގެން، އާއްމުންނާ ސަލާން ކުރައްވަނިކޮށް އުމުރުން ތިން އަހަރުގެ ކުޑަފިރިހެން ކުއްޖަކު ދިއްކޮށްލީ ނޯޓެކެވެ. ކުޑަކުޑަ އާޔަލް ބިން އަލީ ސައީދު އެ ނޯޓުކޮޅުގައި ލިޔެފައި އޮތީ އޭނާގެ ބައްޕަ މަތިން ނުހަނު ހަނދާންވާ ވާހަކައާއި ޕައްޕައާއި ބައްދަލުކުރަން ވަރަށް ބޭނުންވާވާހަކަ އެވެ. ނުވަތަ “އައި މިސް މައި ޑެޑީ” މިހެން ލިޔެފައި އެކަރުދާސް ކޮޅު ރައީސްއަށް ދެއްވިއެވެ. މިކަރުދާސްކޮޅު ރައީސް ކުޑައިރުކޮޅަކަށް ބައްލަވަން ހުރެފައި އަރިހުގައި ހުންނެވި ބޭފުޅަކަށް އިޝާރާތް ކުރައްވައި ކޮށްމެވެސް ވާހަކަައެއް ވިދާޅުވިތަން ފެނުނެއެވެ.
އޭގެ ދޮޅުގަޑިއިރު ފަހުން ފެނިގެންދިޔަޔީ ރަށުގެ ބަދަރަށް ލޯޗެއްކާރި ކޮށްލިމަންޒަރެއެވެ. އެލޯޗުން ފައިބައިގެން އައި ފުލުހަކާއި ދިމާއަށް ނުވަތަ އެކުޑަކުއްޖާ އޭނާގެ ބައްޕަ އާއިދިމާއަށް ދުއްވާފައި ދިޔަމަންޒަރު ފެނިގެންދިޔައެވެ، ހަގީގަތުގައިވެސް އެކުއްޖާގެ ނޯޓްކޮޅަށް ރައީސް ކުއްލި އެކެޝަނެއްނެންގެވީއެވެ.
އެހެނީ، ރައީސް ވަނީ މި އަތޮޅާ ޖެހިގެން އޮންނަ ގދ. ފަރެސްމާތޮޑާ ޕޮލިސް ސްޓޭޝަންގައި މަސައްކަތްކުރާ އާޔަލް ގެ ބައްޕައާއި ބައްދަލުކުރުމުގެ ފުރުސަތު ފަހިކޮށްދެއްވައިފަ އެވެ.
އެތަނުގައި ހުރެ އާޔަލްގެ މަންމަ އައިޝަތު ހުޒާމާ ބުނީ އެ ކުއްޖާ އާއި ބައްޕައާ ދެމެދު ވަރަށް ވަރުގަދަ އާދަޔާއި ހިލާފްގުޅުމެއް އޮންނަ ކަމަށެވެ. އެހެންވެ، ފިރިމީހާ ކަނޑުހުޅުދޫ ޕޮލިސް ސްޓޭޝަނަށް ބަދަލުވުމަށް މަސައްކަތް ކުރާތާ ދެ އަހަރަށް ވުރެ ގިނަ ދުވަސްވެފައިވާ ކަމަށް ބުންޏެވެ. އަދި މިގޮތަށް ކުރެވުނު ހުރިހާކަމެއްވެސް މީގެކުރިން ކާމިޔާބު ވާގޮތް ނުވުމުން ދެމައިންވެސް ވަރަށްދެރަވެފައިވާކަމަށް ބުނިއެވެ.
ކިޔުންތެރިންގެ ހިޔާލު