މިހާރު ކުރިއަށްދާ ޔޫއެފާ ނޭޝަންސް ލީގުގައި ރޭ ނޯވޭގެ މައްޗަށް 1-2އިން ޕޯޗުގަލް ކުރި ހޯދައިފިއެވެ.
ނޯވޭގައި ކުޅުނު މިމެޗުގައި ޕޯޗުގަލްގެ ކެޕްޓަން ކްރިސްޓިއާނޯ ރޮނާލްޑޯ ހުރީ ބެންޗުގައެވެ. އަދި މެޗުގެ އެއްވެސް ހިސާބެއްގައި އޭނާއަށް ކުޅެއް ފުރުސަތު ދީފައެއް ނުވެއެވެ. ރޮނާލްޑޯގެ އިތުރުން މި މެޗުގައި މެންޗެސްޓަރ ޔުނައިޓެޑްގެ މިޑްފީލްޑަރ ބްރޫނޯ ފެނާންޑޭޒްއަށް ލިބިފައިވާ އަނިޔާގެ ސަބަބުން އޭނާވެސް ކުޅެފައެއް ނުވެއެވެ.
ނައިރު ބޯޅަ ހިފަހައްޓައިގެން ކުޅެފައިވަނޯ ނޯވޭއެވެ. މި މެޗުގައި އެ ޓީމުންވަނީ ލަނޑު ޖަހާނެ ގިނަ ފުރުސަތުތަކެއް ތަނަވަސްކޮށްފައެވެ. ނަމަވެސް މެޗުގެ 17 ވަނަ މިނިޓުގައި ފުރަތަމަ ލަނޑު ޖަހާ ލީޑު ނަގާފައިވަނީ ޕޯޗުގަލްއިންނެވެ. މި ލަނޑު އެ ޓީމަށް ކާމިޔާބުކޮށްދީފައިވަނީ ޕެޑްރޯ ނެޓޯގެ އެސިސްޓަކުން ޖޮއާއޯ ފޭލިކްސްއެވެ. މެޗުގެ ނަތީޖާ އެއްވަރުކޮށްފައިވަނީ މެޗުގެ ދެވަނަ ހާފުގެ ކުޅުން ފެށުނުތާ 6 ވަނަ މިނިޓުގައި އާލިން ހާލާންޑް ކާމިޔާބުކޮށްދިން ލަނޑުންނެވެ. މިއީ އޭނާ ނޭޝަންސް ލީގުގައި ޖެހި 22 ވަނަ ލަނޑެވެ. އަދި ނޯވޭގެ ގައުމީ ޓީމަށް ޖަހައިދިން 65 ވަނަ ލަނޑެވެ.
މި މެޗުގައި ޕޯޗުގަލް މޮޅުވި ލަނޑަކީ 54 ވަނަ މިނިޓުގައި ނޯވޭގެ ގޯލުކީޕަރު ނައިލާންޑް ހެދި ގޯހެއްގެ ފައިދާ ނަގާ ގޮންޒާލޯ ރާމޯސް ކާމިޔާބުކޮށްދިން ލަނޑެކެވެ.
ކިޔުންތެރިންގެ ހިޔާލު