ނ. މާފަރު އިންޓަނޭޝަނަލް އެއަރޕޯޓު އިތުރަށް ތަރައްޤީ ކުރުމުގެ ޕްލޭންތައް އެކުލަވާލުމަށް އަބޫދާބީ ފަންޑާއެކު މަޝްވަރާކޮށްފިއެވެ. މި މަޝްވަރާތައް ކޮށްފައިވަނީ، މަދަނީ އުދުހުންތަކާ ބެހޭ ވަޒީރު މުޙައްމަދު އަމީން، އަބޫދާބީ ފަންޑުގެ ވަފުދަކާއެކު ބޭއްވި ބައްދަލުކުރެއްވުމުގައެވެ.
ސޯޝަލް މީޑިއާގައި ކުރެއްވި ޕޯސްޓެއްގައި ވަޒީރު ވިދާޅުވީ، މާފަރު އިންޓަނޭޝަނަލް އެއަރޕޯޓު ތަރައްޤީ ކުރުމުގެ ތިންވަނަ ފިޔަވަހީގެ ޕްލޭންތަކާއި މަސައްކަތްތަކާމެދު އަބޫދާބީ ފަންޑާއެކު މަޝްވަރާކޮށްފައިވާ ކަމަށެވެ. 2019 ވަނަ އަހަރު ހުޅުވި މާފަރު އިންޓަނޭޝަނަލް އެއަރޕޯޓަކީ، އަބޫދާބީ ފަންޑުގެ އެހީތެރިކަމާއެކު ތަރައްޤީކޮށްފައިވާ އެއަރޕޯޓެއްކަން ފާހަގަކުރައްވާ ވަޒީރު ވިދާޅުވީ، މި އެއަރޕޯޓު އިތުރަށް ތަރައްޤީ ކުރުމަށް މި ސަރުކާރުން ޚާއްސަ އިސްކަމެއްދީގެން ގިނަ މަސައްކަތްތަކެއް ކޮށް ނިމި، އަދި މިހާރުވެސް ކުރަމުންދާ ކަމަށެވެ.
މިހާރު ވައިޑް ބޮޑީ ބޯޓުތަކަށް ޖެއްސޭނެ ވަރަށް އެއަރޕޯޓުގެ ރަންވޭ 2850 މީޓަރަށް ފުޅާކޮށްފައިވާ ކަމަށާއި، ޗައިނާ ކުންފުންޏަކާ ހަވާލުކޮށްގެން ޓާމިނަލް ބޮޑުކުރުމުގެ މަސައްކަތްތައް މިހާރުވެސް ބާރު ސްޕީޑެއްގައި ކުރިއަށްދާކަން ވަޒީރު ފާހަގަކުރެއްވިއެވެ.
Pleased to meet with @ABUDHABI_FUND to discuss the next phase of development for Maafaru International Airport.
Built with the valued support of ADFD and opened in 2019, Maafaru has continued to grow under the vision of H.E. President Dr. @MMuizzu Following the extension of its… pic.twitter.com/TXSAoRgkz0— Mohamed Ameen (@ameen3d) August 4, 2026
މާފަރު އިންޓަނޭޝަނަލް އެއަރޕޯޓު ތަރައްޤީ ކުރުމުގެ ދަށުން މިހާރު ކުރިއަށްދަނީ، ދެވަނަ ފިޔަވަހީގެ މަސައްކަތްތަކެވެ. މިމަޝްރޫއުގެ ދަށުން 6،238 އަކަފޫޓުގެ ޖާގައިގެ އިމާރާތެއް ތަރައްޤީ ކުރާއިރު، މީގެ ސަބަބުން ޓަރމިނަލްގެ ޖާގަ 12476އަށް އިތުރުވެ، މުޅި ޕެސެންޖަރ ޓަރމިނަލުގެ ޖާގަ ދެގުނަ އިތުރުވާނެއެވެ. އަދި މިހާރު ޓާމިނަލް ތަރައްޤީ ކުރުމުގެ 20 އިންސައްތަ މަސައްކަތް ވަނީ ނިމިފައެވެ.
ކިޔުންތެރިންގެ ހިޔާލު