ދައުލަތަށް ދައްކަންޖެހޭ ފައިސާއާއި ޓެކުހާއި ކުއްޔާއި ފީތަކުގެ ޖުމް ޢަދަދު 14.5 ބިލިޔަން ރުފިޔާއަށް އަރައިފިއެވެ.
ދައުލަތުގެ ޓެކްސް އިދާރާ، މީރާގެ ކުއާޓަލީ ރިޕޯޓުގައި ބަޔާންކޮށްފައިވާގޮތުގައި އަހަރުގެ ފުރަތަމަ ތިން މަސް ދުވަހުގެ ތެރޭގައި ނުދައްކާ ފައިސާއަށް ވަނީ 600 މިލިއަން ރުފިޔާ އިތުރުވެފައެވެ. އެއީ ފަހެއް ހިންސައްތަ އިތުރު އަދަދދެކެވެ. އަހަރު ނިމުނު އިރު ދައުލަތަށް ލިބެންޖެހޭ ނަމަވެސް ނުލިބި ހުރި އަދަދު ހުރީ 13.8 ބިލިއަން ރުފިޔާގައެވެ. ހިސާބުތައް ދައްކާގޮތުން އެންމެ ބޯޑު އަދަދެއް ނުދައްކާހުރީ ޓެކުހުންނެވެ. ޓެކްސްގެ ގޮތުގައި ނުލިބި ހުރި ޢަދަދު 7.8 ބިލިއަން ރުފިޔާ އިން 8.2 ބިލިއަން ރުފިޔާއަށް ވަނީ އިތުރުވެފައެވެ.
މީގެ އިތުރުން އިންކަމް ޓެކުހުގެ ގޮތުގައި ދައުލަތަށް ލިބެންޖެހޭ އަދަދު 2.4 ބިލިއަން ރުފިޔާއަށް ވަނީ އަރާފައެވެ. އަދި ޖީޖީއެސްޓީގެ ގޮތުގައި ނުލިބި ހުރި އަދަދު 3.5 ބިލިއަން ރުފިޔާއަށް ވަނީ އަރާފައެވެ. ޓީޖީއެސްޓީގެ ގޮތުގައި ނުލިބޭ އަދަދު 1.6 ބިލިއަން ރުފިޔާއަށްވެސް އަރައެވެ.
ރިސޯޓު ކުލީގެ ގޮތުގައި ދައުލަތަށް ނުލިބި ހުރި އަދަދު ވަނީ 5.7 ބިލިއަން ރުފިޔާ އިން ހަ ބިލިއަން ރުފިޔާއަށް ތިން މަސްދުވަހުގެ ތެރޭގައި އިތުރުވެފައެވެ.
ދައުލަތަށް ދައްކަންޖެހޭ ފައިސާގެ ޢަދަދު އިތުރުވެފައިވާއިރު، އެ މުއްދަތުގެ ތެރޭގައި 2 ބިލިޔަން ރުފިޔާ ލިބިފައިވާކަމަށް ދައްކައެވެ.
ތަފާސް ހިސާބުތައް ދައްކާގޮތުން ސަރުކާރު ހިއްސާވާ ކުންފުނިތަކުން ނުލިބި ހުރި އަދަދު ވަނީ 2.4 ބިލިއަން ރުފިޔާ އިން 3.5 ބިލިއަން ރުފިޔާއަށް ވަނީ އަރާފައެވެ.
ކިޔުންތެރިންގެ ހިޔާލު