ބ. އޭދަފުށި ބަނދަރު ތަރައްޤީކުރުމުގެ މަޝްރޫއުގެ 54 އިންސައްތަ މަސައްކަތް ނިމިފައިވާ ކަމަށް މޯލްޑިވްސް ޓްރާންސްޕޯޓު އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އިން ބުނެފިއެވެ.
އެމްޓީސީސީން މައުލޫމާތު ދިން ގޮތުގައި އޭދަފުށީ ބަނދަރުގެ މިހާރު ކުރިއަށް ދަނީ ކެޕިން ކޮންކްރީޓްގެ މަސައްކަތްތަކެވެ.
މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:
- 28,304 ކިއުބިކް މީޓަރުގެ ސަރަހައްދެއް ފުންކުރުން
- ފަޅު އަލުން ފުންކުރުމާއި 3354 ކިއުބިކް މީޓަރުގެ ސަރަހައްދެއްގެ ނެރު ފުންކުރުން
- 402 މީޓަރުގެ އެއްގަމުތޮށި ލުން
- 170 މީޓަރު ސަރަހައްދެއްގައި ބޭރުތޮށި ޖެހުން
- 383 މީޓަރުގެ ސަރަހައްދެއްގައި ރިވެޓްމެންޓް ޖެހުން
- 1814 އަކަ މީޓަރުގެ ޕޭވްމަންޓް ހެދުން
- 11 މީޓަރު ދިގު، 11 މީޓަރު ފުޅާ ރޭމްޕަކާއި 18 މީޓަރު ފުޅާ ފާލަމެއް ހެދުން
މީގެ އިތުރުން ބަނދަރު ބައްތި އަދި މޫރިން ނިޒާމު ޤާއިމުކުރުން ހިމެނެއެވެ. އެމްޓީސީސީން ބުނީ، މި މަޝްރޫޢަކީ ސަރުކާރުން 64.67 މިލިޔަން ރުފިޔާ ހަރަދުކޮށްގެން ކުރިއަށް ގެންދާ މަޝްރޫޢެއް ކަމަށެވެ.
އަތޮޅުގެ ވިޔަފާރީގެ މައިހަބެއްގެ ގޮތުގައި އޮންނަ އޭދަފުށީ ބަނދަރަކީ އަތޮޅުގެ އެހެން ރަށްރަށުން އެތައް އުޅަނދެއް ވަދެ ނުކުމެ ހަދާ ބަނދަރަކަށްވުމުން އެރަށުގެ ބަނދަރަކީ ތޮއްޖެހުން ބޮޑުބަނދަރެކެވެ. އެހެންކަމަނުން އޭދަފުށި ބަނދަރު އަޕްގްރޭޑްކޮށް ނިމުމުން، އެރަށުގެ ރައްޔިތުންނަށާއި، އެހެން ރަށްރަށުގެ އޭދަފުށީ ބަނދަރު ބޭނުންކުރާ ފަރާތްތަކަށް ލުޔެއް ލިބިގެންދާނެ ކަމަށް ސަރުކާރުން ގަބޫލުކުރެއެވެ.
ކިޔުންތެރިންގެ ހިޔާލު