މިހާރު ކުރިއަށްދާ ދުނިޔޭގެ ތައްޓަށްކުޅޭ ފުޓުބޯޅަ މުބާރާތުގައި ދެ ވަނަ ބުރަށް ސްވިޓްޒަލޭންޑާއި ކެނެޑާ ދަތުރުކުރިއިރު ގަތަރު ކަޓުވާލައި ބޮސްނިއާ ތިން ވަނަ ކަށަވަރުކޮށްފިއެވެ.
48 ޤައުމަކާއެކު ފެށި ވޯލްޑް ކަޕްގައި ދެވަނަ ބުރުން 32 ޓީމަށް ޖާގަ ލިބޭއިރު، އޭގެ ތެރެއިން ޖާގަ ލިބޭނީ ކޮންމެ ގްރޫޕަކުން އެންމެ ގިނަ ޕޮއިންޓް ހޯދާ ދެ ޓީމާއި 12 ގްރޫޕުގެ ތެރެއިން ވަނަ ހޯދާ ޓީމުތަކުގެ ތެރެއިން އެންމެ މޮޅު އަށް ޓީމަށެވެ.
ގްރޫފް ބީގެ އެއްވަނަ ސްވިޓްޒަލޭންޑަށް ލިބުނީ މުބާރާތް ބާއްވާ އެއް ގައުމު ކެނެޑާގެ މައްޗަށް 2-1އިން ކުރި ހޯދުމުންނެވެ. ސްވިޓްޒަލޭންޑަށް ތިން މެޗުން ހަތް ޕޮއިންޓް ލިބުނުއިރު ކެނެޑާއި އާއި ބޮސްނިއާ ޕޮއިންޓްގެ ގޮތުން ހަމަހަމަވީ ކޮންމެ ބަޔަކަށް ހަތަރު ޕޮއިންޓް ލިބުމުންނެވެ. ކެނެޑާ އަށް ދެ ވަނަ ލިބި ދެ ވަނަ ބުރަށް ކޮލިފައިވަނީ ފައިދާ ގޯލުގެ ތަފާތުންނެވެ.
މެޗަށް ނުކުތްއިރު އެއް ޕޮއިންޓުން އެއްވަރުވެފައި އޮތް ބޮސްނިއާ އާއި ގަތަރު މެޗުގައި ބޮސްނިއާ ކާމިޔާބު ކުރީ 3-1އިންނެވެ. މިއީ މުޅިން އަލަށް ވޯލްޑް ކަޕްގައި ވާދަކުރި ބޮސްނިއާ އަށް ލިބުނު ވަރަށް ބޮޑު ކާމިޔާބީ އެކެވެ. ގަތަރަކީ 2022 ވަނަ އަހަރުގެ ވޯލްޑް ކަޕް ބޭއްވި ގައުމެވެ.
އެފަހަރުވެސް ޤަތަރު މުބާރާތުން ކެޓީ ފުރަތަމަ ބުރުންނެވެ.
ކިޔުންތެރިންގެ ހިޔާލު