ޕެނަލްޓީގައި ކޮލަމްބިއާ ބަލިކޮށް ފީފާ ވޯލްޑް ކަޕްގެ ކުއާޓާރ ފައިނަލްގެ އެންމެ ފަހު ޖާގަ ސްތިޓްޒލޭންޑުން ކަށަވަރުކޮށްފއެވެ.
މެޗުގެ 90 މިނިޓާއި، ނަތީޖާ ނެރުމަށް ކުޅުނު 15 މިނިޓްގެ ދެހާފްގައިވެސް ދެޓީމުންކުރެ އެއްވެސް ޓީމަކަށް ލަނޑެއް ނުޖެހުނެވެ. ވުމާއެކު ޕެނަލްޓީ ޖަހަން ޖެހުނެވެ. ޕެނަލްޓީގައި ސްވިޓްޒަލޭންޑުން ކުރި ހޯދީ 4-3 ނެެވެ. މިއީ މުޅި މެޗުގައިވެސް ރަނގަޅަށް ކުޅުނު ކޮލަމްބިއާ މުބާރާތުގައި ބަލިވި ފުރަތަމަ މެޗެވެ. ކޮލަމްބިއާއިން ޕެނަލްޓީތައް ކާމިޔާބުކުރީ ހުއާން ކުއަންޓޭރޯ އާއި ކެމްޕާޒް އާއި ލުއިސް ޑިއޭޒް އެވެ. ނާކާމިޔާބުވީ ޑެވިންސަން ސަންޗޭޒް އާއި ކުޗޯ ހެނާންޑޭޒްގެ ޕެނަލްޓީއެވެ. ކުޗޯ ހެނާންޑޭޒްގެ ޕެނަލްޓީ ސްވިޒް ކީޕަރު ކޫބެލް މަތަކުރިއިރު ޑަވިންސަން ސަންޗޭޒްގެ ޕެނަލްޓީ ގޯލާ އަމާޒެއް ނުވިއެވެ.
ސްވިޓްޒަލެންޑުން ޕެނަލްޓީތައް ކާމިޔާބުކުރީ ޝަކާ އާއި ޒެކީ އަމްދޫނީ އާއި ސެޑްރިކް އިޓެން އާއި ރުބެން ވާގަސްް އެވެ. ސްވިޓްޒަލެންޑުން އުފާފާޅުކުރީ ވާގަސްގެ ޕެނަލްޓީ ކާމިޔާބުކުރުމަށްފަހުއެވެ. ޑިފެންޑަރ އަކަންޖީގެ ޕެނަލްޓީ ދިޔައީ ހުރަސްދަނޑި މަތިން ބޭރަށެވެ.
މިއީ ވޯލްޑްކަޕެއްގެ ނޮކްއައުޓް ބުރުގެ ދެ މެޗު ސްވިޓްޒަލެންޑުން ކާމިޔާބުކުރި ފުރަތަމަ ފަހަރެވެ.
މުބާރާތުގެ ކުއާޓަރ ފައިނަލުގައި ސްވިޓްޒަލޭންޑު ނިކުންނާނީ އެންމ ެފަހުގެ ޗެމްޕިއަން އާޖެންޓީނާއާއި ދެކޮޅަށެވެ.
ކިޔުންތެރިންގެ ހިޔާލު