ޕޯޗުގަލްއާއި ބައްދަލުކުރި މެޗުން އެއްވަރުވެ ހޯދި ޕޮއިންޓަކާއެކު ފާ ވޯލްޑް ކަޕް ފުޓްބޯޅަ މުބާރާތުގެ ކޮލަމްބިއާ އިން ގްރޫޕްގެ އެއް ވަނަ ކަށަވަރުކޮށް، ފަހަތުން އަރައި 3-1 އިން އުޒްބެކިސްތާން ބަލިކޮށް ޑިމޮކްރަޓިކް ރިޕަބްލިކް އޮފް ކޮންގޯއިންވެސް 32 ޓީމުގެ ބުރުން ޖާގަ ހޯދައިފިއެވެ.
މެޗަށް ނިކުތް އރުވެސް ޕޯޗުގަލްއާއި ކޮލޮމްބިއާއަށް އޮތީ ދެވަނަ ބުރު ޔަޤީންވެފައެވެ. ނަމަވެސް ޕޯޗުގަލް އަތުން ޕޮއިންޓެއް ހޯދައިގެން ގްރޫޕްގެ އެއްވަނަ ހޯދުމުގެ ފުރުޞަތު ކޮލޮމްބިއާއަށް އޮތެވެ. އަދި ކޮލޮމްބިއާ ބަލިކޮށްގެން ނޫންގޮތަކަށް ގްރޫޕްގެ އެއްވަނަ ޕޯޗުގަލަށް ލިބެން ނެތެވެ. ޕޯޗުގަލް އަތުން އެއްވަރުވެ ހޯދި ޕޮއިންޓަކާއެކު ކޮލަމްބިއާއިން ގްރޫޕްގެ އެއް ވަަނަ ހޯދީ ހަތް ޕޮއިންޓާއެކުއެވެ. ދެވަނަގާއި އޮތް ޕޯޗުގަލަށް ލިބުނީ ފަސް ޕޮއިންޓެވެ.
ތިންވަނާގައި އޮތް ކޮންގޯއަށް 4 ޕޮއިންޓު ލިބިފައިވާއިރު އުޒްބެކިސްތާނުން މުބާރާތް ނިންމާލީ އެއްވެސް ޕޮއިންޓެއް ނުލިބިއެވެ.
އެމެރިކާގެ މަޔާމީ ސްޓޭޑިއަމްގައި ކުޅުނު މެޗުގައި ޕޯޗުގަލްއާއި ކޮލޮމްބިއާއަށްވެސް ލަނޑުޖަހާނެ ގިނަ ފުރުޞަތުތަކެއް ލިބުނެވެ. މެޗުގެ ކުރީކޮޅުގައި ކޮލަމްބިއާގެ ފޯވާޑް، ޖޯން ކޮޑޯބާ ހުސްކޮށް އަރައި ބޮލުން ޖެހި ބޯޅަ ދިޔައީ ހުރަސްދަނޑިމަތިންނެވެ. ކޮލަމްބިއާގެ ޖޯން އަރިއަސް ފޮނުވާލި އެއް ޝޮޓް، ޕޯޗުގަލްގެ ކީޕަރު، ޑިއޯގޯ ކޮސްޓާ ވަނީ މަތަކޮށްފަ އެވެ. އަދި، އަނެއް ފުރުސަތުގައި ޖެހި ބޯޅަ ޕޯޗުގަލްގެ މިޑްފީލްޑަރު، ރުބެން ނެވޭސް ވަނީ ފަހަތަށް ފައިބައި ސަލާމަތްކޮށްފައެވެ.
ފުރަތަމަ ހާފުގައި ޕޯޗުގަލްއަށް ލީޑު ނަގަން ބްރޫނޯ ފެނާންޑޭސް ރަނުގެ ފުރުޞަތެއް ލިބިފައިވެއެެވެ. އޭރިއާތެރެއިން ބްރޫނޯ ފެނާންޑޭސް ޖެހި ޝޮޓް ކޮލަމްބިއާގެ ކީޕަރު ކަމީލޯ ވާގާސް ވަނީ މަތަކޮށްފައެވެ.
މި ގްރޫޕުގައި ކޮންގޯއިން މޮޅުވެގެން ނޫންގޮތަކަށް ދެވަނަބުރުން ޖަގަ ލިބެން ނެތްއިރު، އެޓީމުން ކުރިއަށް ޖެހިގެން ކުޅެނިކޮށް އުޒްބެކިސްތާނުން ލަނޑެއްޖަހައި ލީޑު ނެގިއެވެ. ންގޯގެ ޑިފެންޑަރުން، ބަލަހައްޓައިގެން ތިއްބައި، އުޒްބެކިސްތާންގެ ކެޕްޓަން، އެލްޑޯ ޝޮމުރޯޑޯވް އޭރިއާތެރެއިން ވަދެ، ކޮންގޯގެ ކީޕަރު ލިއޮަނަލް އެމްޕާސީ ބޯމަތިން ގޯލަށް ފޮނުވާލިއެވެ.
ނަމަވެސް ފުރަތަމަ ހާފުގައި ކޮންގޯއިން ލަނޑެއްޖަގައި ނަތީޖާ އެއްވަރުކުރިއިރު އެޓީމުން ވަނީ ދެވަނަ ހަފުގައި ކުޅުން ރަނގަޅުކޮށްފައެވެ. 68 ވަނަ މިނިޓްގައި ޔޮއާން ވިއްސާ ޖެހި ޕެނަލްޓީން ނަތީޖާ އަނބުރާލިއިރު، އެ ޓީމަށް ތިން ޕޮއިންޓް ޔަގީންކޮށްދިން ލަނޑު ޖެހީ މެޗުގެ މޮޅު ކުޅުންތެރިޔާ ވިއްސާއެވެ.
ކިޔުންތެރިންގެ ހިޔާލު