އިރާނާއި އެމެރިކާއިން މިހާރު އެކުލަވާލާފައިވާ ސުލްހައިގެ އެއްބަސްވުމަށް އަމަލު ކުރަން ފަށައިފިނަމަ އިރާން ޓީމަށް ލުއިތަކެއް ލިބޭނެކަމަށް ފީފާގެ އޮފިޝަލުން ހާމަކޮށްފިއެވެ.
އެމެރިކާ، މެކްސިކޯ އަދި ކެނެޑާގައި މިހާރު ކުރިއަށްދާ ވޯލްޑް ކަޕް ފުޓްބޯޅަ މުބާރާތުގައި އެންމެ ބޮޑު ތަކުލީފެއް އުފުލާ ޓީމަކީ އީރާންގެ ޓީމެވެ. އެހެނީ އެމެރިކާގައި ކުޅޭ މެޗުތަކަށް އެޤައުމުގައި ނުތިބެވި ސްޓޭޝަންކުރަނީ މެކްސިކޯގައިކަމަށްވާތީއެވެ. މެޗުތައް ކުޅެން އެމެރިކާއަށް އީރާން ޓީމަށް ދަތުކުރުކުރެވެނީ 24 ގަޑިއިރަށްވާ ފަހުންނެވެ. މިއީ އިރާނާ ދެކޮޅަށް އެމެރިކާއިން ފެށި ހަނގުރާމަ އާއި އަޅާފައިވާ ދަތިކުރުމުގެ ފިޔަވަޅުތަކުގެ ތެރެއިން ކޮށްފައިވާ ކަމެކެވެ. އިރާނުން މިހާރު ވަނީ ސިޔާސީ ގޮތުން އަޅާފައިވާ މިފަދަ ފިޔަވަޅުތައް ފުޓްބޯޅަ މުބާރާތެއްގެ އިންތިޒާމްތަކާ ފުށުއަރާތީވެ ފީފާގައި މައްސަލަ ޖައްސާފަ އެވެ. ނަމަވެސް މިކަމުގައި ފީފާ އަށް ކުރެވޭނެ އެއްވެސް ކަމެއްނެތެވެ. އިރާނުގެ ކުރިމަތީގައި ފީފާ ތިބެން ޖެހިފައިވަނީ ހިމޭނުންނެވެ.
ފީފާގެ އޮފިޝަލުން ބުނީ އިރާނާއި އެމެރިކާއިން މިހާރު އެކުލަވާލާފައިވާ ސުލްހައިގެ އެއްބަސްވުމަށް އަމަލު ކުރަން ފަށައިފިނަމަ އިރާން ޓީމަށް ލުއިތަކެއް ލިބުން އެކަށީގެންވާ ކަމަށެވެ.އިރާން ޓީމުން ބުނާ ގޮތުގައި އެމެރިކާގައި ތިބެވޭގޮތް ނުވުމުން އެންމެ ބޮޑަށް ދަތިވާ އެއް ކަމަކީ ކުޅުންތެރިންނަށް އަރާމު ކުރަން ލިބޭ ވަގުތު މަދުވުމެވެ. އަދި ކޮންމެ މެޗަށް ދިގު ދަތުރެއް ކުރަން ޖެހުމާއި ޓީމުގެ މުހިންމު ބައެއް މެމްބަރުންނަށް އެމެރިކާ އަށް އެތެރެވެވޭ ގޮތް ނުވުމަކީ ވެސް މެޗުތަކުގެ އިންތިޒާމްތަކަށް ދަތިވާ ކަމެކެވެ.
ކިޔުންތެރިންގެ ހިޔާލު