ދުނިޔޭގެ ވާދައިގެ ތައްޓަށްކުޅޭ ފުޓުބޯލަ މުބާރާތަށް ސްޕެއިން ނިކުތީ ދެވަނަ ފަހަރަށް ތަށި ހޯދުމުގެ އަޒުމުގައެވެ. މިރޭ ކޭޕް ވާޑާ ދެކޮޅަށް ސްޕެއިން ނުކުންނައިރު، މިއީ މި މުބާރާތުގައި ސްޕެއިން ވާދަކުރާ 17 ވަނަ ފަހަރެވެ.
ގަތަރުގައި 2022 ވަނަ އަހަރު ބޭއްވި ފީފާ ވޯލްޑްކަޕްގެ ދެވަނަ ބުރުން ސްޕެއިން ކަޓާފައިވާތީ ސްޕެއިނުން މިފަހަރު ނިކުތީ، އެ ހިތްދަތިކަން ނައްތާލުމުގެ ނިޔަތާއި އަޒުމުގައެވެ. 2024 ވަނަ އަހަރުގެ ޔޫރޯ ފުޓްބޯޅަ މުބާރާތުގެ ޗެމްޕިއަންކަން ހޯދާފައިވާ ސްޕެއިން އިން ވަނީ އެންމެ ފަހުގެ ޔޫއެފާ ނޭޝަންސް ލީގުގެ ފައިނަލުގައި ކުޅެފައެވެ. ރު, މި ފަހަރުގެ މުބާރާތުގެ ކޮލިފައިންގައި އެ ޓީމުން ވަނީ ރަނގަޅު ނަތީޖާތަކެއް ހޯދާފައެވެ. އަދި ކޮލިފައިންގެ ފަހު މެޗަށް ދިޔައިރު ބޮޑު ތަފާތަކުން ބަލިވެގެން ނޫން ގޮތަކަށް ވޯލްޑްކަޕްގެ ފުރުސަތު ނުގެއްލޭނެކަން ސްޕެއިން އިން ވަނީ ކަށަވަރުކޮށްފައެވެ. 2022 ވަނަ އަހަރު ސްޕެއިންގެ ކޯޗު ކަމާ ހަވާލުވި ލުއިސް ޑެލަފުއެންޓޭގެ އިރުޝާދުގެ ދަށުން ސްޕެއިން އިން 2024 ވަނަ އަހަރުގެ ޔޫރޯ ފުޓްބޯޅަ މުބާރާތް ކާމިޔާބުކޮށްފައިވާއިރު, 4 ސެޕްޓެމްބަރ 2025 ގެ ފަހުން ސްޕެއިން މިހާތަނަށް ކުޅުނު 10 މެޗުގެ ތެރެއިން އެއްވެސް މެޗަކުން ބަލިވެފައެއް ނުވެއެވެ. ތިން މެޗުން އެއްވަރުވެފައިވާއިރު 7 މެޗުން ވަނީ މޮޅުވެފަ އެވެ. މި ދިހަ މެޗުގައި ޖުމްލަ 28 ލަނޑު ޖަހާފައިވާއިރު, ބައިކޮޅަށް ވަދެފައިވަނީ ޖުމްލަ 5 ލަނޑެވެ.
ލުއިސް ޑެލަފުއެންޓޭގެ އިރުޝާދުގެ ދަށުން ސްޕެއިން 2024 ވަނަ އަހަރުގެ ޔޫރޯ ފުޓްބޯޅަ މުބާރާތް ކާމިޔާބުކޮށްފައިވާއިރު, 4 ސެޕްޓެމްބަރ 2025 ގެ ފަހުން ސްޕެއިން މިހާތަނަށް ކުޅުނު 10 މެޗުގެ ތެރެއިން އެއްވެސް މެޗަކުން ބަލިވެފައެއް ނުވެއެވެ. ތިން މެޗުން އެއްވަރުވެފައިވާއިރު 7 މެޗުން ވަނީ މޮޅުވެފައެވެ. މި ދިހަ މެޗުގައި ޖުމްލަ 28 ލަނޑު ޖަހާފައިވާއިރު, ބައިކޮޅަށް ވަދެފައިވަނީ ޖުމްލަ 5 ލަނޑެވެ.
އަނެއްކޮޅުން މިރޭ ސްޕެއިންނާ ވާދަކުރަން ނިކުންނަ ކޭޕް ވާޑަކީ މުޅިން އަލަށް ވޯލްޑްކަޕަށް ކޮލިފައިވެ މި މުބާރާތުގައި ކުރޭ ފުރަތަމަ މެޗެވެ. ފަސް ލައްކައެއްހާ މީހުންގެ އާބާދީއެއް އޮންނަ ކޭޕް ވާޑް މި ފަހަރުގެ ވޯލްޑްކަޕުން ފުރުސަތު ހޯދާފައިވަނީ ކޮލިފައިންގެ އެފްރިކާ ބައްރުގެ ގްރޫޕް ޑީ ގައި ކުޅުނު 10 މެޗުގެ ތެރެއިން 7 މެޗުން މޮޅުވެ 2 މެޗު އެއްވަރުކޮށް އެފްރިކާގެ ގަދަފަދަ ކެމަރޫން ދެވަނަ އަށް ޖައްސާލުމަށްފަހު ގްރޫޕްގެ އެއްވަނަ ޓީމުގެ ގޮތުގައެވެ. 4 ސެޕްޓެމްބަރ 2025 ގެ ފަހުން ކޭޕް ވާޑް އިން މިހާތަނަށް ޖުމްލަ 10 މެޗު ކުޅެފައިވާއިރު އޭގެ ތެރެއިން ބަލިވެފައިވަނީ މި އަހަރުގެ މާޗް މަހު ޗިލީ އާއި ދެކޮޅަށް ކުޅުނު މެޗުންނެވެ. ވޯލްޑްކަޕްގެ ކުރިން ކޭޕް ވާޑް ވަނީ ސާބިޔާ އަދި ބާރމިއުޑާއާ ދެކޮޅަށް ކުޅުނު ދެ މެޗުވެސް 3-0 ގެ ނަތީޖާއަކުން ކާމިޔާބުކޮށްފައެވެ.
އެހެންކަމުން މިރޭ ރާއްޖެ ގަޑިން ނުވައެއް ޖަހާއިރު އޮންނަ މި މެޗަކީ ޝަޢުގުވެރި މެޗަކަށްވާނެއެވެ.
ކިޔުންތެރިންގެ ހިޔާލު