ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ބޯޑު މެންބަރުކަމުން ޔޫސުފް ވަހީދު ވަކިކޮށްފިއެވެ.
ބޯޑު މެންބަރުކަމުން ވަކިކުރުންމިކަމާ ގުޅޭގޮތުން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން ހާމަކޮށްފައިވާ ގޮތުގައި، އެޗްޑީސީގެ ބޯޑު މެންބަރުކަމުން ޔޫސުފް ވަހީދު ވަކިކުރީ މިއަދުއެވެ. ނަމަވެސް، މި ނިންމުމާ ގުޅޭގޮތުން އިތުރު އެއްވެސް ތަފުސީލެއް ނުވަތަ އޭނާ އެ މަގާމުން ވަކިކުރަން މެދުވެރިވި ސަބަބެއް އެ ބޯޑުން ހާމަކޮށްފައެއް ނުވެއެވެ.
ޔޫސުފް ވަހީދުގެ ތަޖުރިބާޔޫސުފް ވަހީދަކީ މިވަގުތު އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ) ގެ ޗީފް އިންޓާނަލް އޮޑިޓަރުގެ މަގާމު އަދާކުރައްވަމުން ގެންދަވާ ބޭފުޅެކެވެ. އެޗްޑީސީގެ ބޯޑަށް އޭނާ އައްޔަންކުރެވުނީ 2024 ވަނަ އަހަރުގެ ސެޕްޓެމްބަރު މަހުގެ ތެރޭގައެވެ.
މާލީ ދާއިރާއިން މަތީ ތައުލީމު ހާސިލުކުރައްވާފައިވާ ޔޫސުފަކީ، އޮސްޓްރޭލިއާގެ ޔުނިވާސިޓީ އޮފް ސައުތު އޮސްޓްރޭލިއާއިން މާސްޓާ އޮފް ޕްރޮފެޝަނަލް އެކައުންޓިންގ އެންޑް ފައިނޭންސް ހާސިލުކުރައްވާފައިވާ ބޭފުޅެކެވެ. މީގެ އިތުރުން، ބިޒްނަސް މެނޭޖްމަންޓްގެ ދާއިރާއިން ހާއްސަވެގެން ފައިނޭންސްގެ ރޮނގުން ބެޗްލާސް ޑިގްރީވެސް އޭނާ ހާސިލުކުރައްވާފައިވެއެވެ.
އެކައުންޓިންގ، އޮޑިޓް އަދި ރިސްކު މެނޭޖްމަންޓްގެ ދާއިރާއިން 15 އަހަރަށްވުރެ ދިގު މުއްދަތެއްގެ ތަޖުރިބާ ޔޫސުފް ވަހީދަށް ލިބިވަޑައިގެންފައިވެއެވެ. އޭނާއަކީ ފެލޯ ޗާޓަޑް މެނޭޖްމަންޓް އެކައުންޓަންޓް (އެފްސީއެމްއޭ) އަދި ޗާޓަޑް ގްލޯބަލް މެނޭޖްމަންޓް އެކައުންޓަންޓް (ސީޖީއެމްއޭ) ގެ އިތުރުން ސީއޭ މޯލްޑިވްސްގެ ފެލޯ މެންބަރެކެވެ. އޭނާ ވަނީ އަމިއްލަ އަދި ސަރުކާރުގެ ދާއިރާގައިވެސް މުހިންމު މަސައްކަތްތަކެއް ކުރައްވާފައެވެ.
ކިޔުންތެރިންގެ ހިޔާލު