ނެޝަނަލް ސޯޝަލް ޕްރޮޓެކްޝަން އެޖެންސީގެ ސީއީއޯ އަކަށް ހެލްތު މިނިސްޓްރީގެ ސްޓޭޓް މިނިސްޓަރު އާމިނަތު ޝިރުނާ އައްޔަނުކޮށްފިއެވެ.

މިކަން ހާމަކޮށް ހެލްތު މިނިސްޓްރީން ކުރި ޕޯސްޓެއްގައި ވަނީ ޝިރުނާއަށް ކާމިޔާބީއަށް އެދިފައެވެ.

އެންސްޕާގެ ސީއީއޯގެ މަގާމު ހުސްވީ ކުރިން އެމަގާމުގައި ހުންނެވި، ހީނާ ވަލީދު ހެރިޓޭޖު މިނިސްޓަރު ކަމަށް އައްޔަނުކުރެއްވުމުންނެވެ.

މަގާމަށް އައްޔަނުކުރެވުނު ޝިރުނާ އަކީ ހެލްތު މިނިސްޓްރީގެ ދަށުން ހިންގަމުން އައި، މޯލްޑިވިއަން ބްލަޑް ސާވިސް އާއި ހަވާލުވެ ހުންނެވި ބޭފުޅާއެވެ.

ނަމަވެސް، އެ ދުވަސްވަރު ތެލެސީމިއާ ސެންޓަރުގެ ހިންގުމުގައި ބައެއް މައްސަލަތައް ދިމާވެ، އެ ކަންކަން ހައްލުނުވެ ދިގުލައިގެން ދިއުމުގެ ސަބަބުން ތަނުގެ ހިންގުމަށް ގެނަ ބަދަލުތަކާއެކު އޭނާ ހަވާލުވެ ހުންނެވީ ހެލްތު ޕްރޮޓެކްޝަން އޭޖެންސީ (އެޗްޕީއޭ) އާއި ދަމަނަވެއްޓާއި ބްލަޑް ބޭންކުގެ ކަންކަން ބެލެހެއްޓެވުމަށެވެ.