ވެލާނާ އިންޓަނޭޝަނަލް އެއާޕޯޓް، ވީއައިއޭގެ ޓްރެފިކަށް ވަގުތީގޮތުން ބަދަލުތަކެއް ގެނެސްފިއެވެ.
އެމްއޭސީއެލްއިން ވިދާޅުވީ، ވީއައިއޭގައި ޓާމިނަލް 2ގެ ކަފިހި ހުރަހުގެ ފުރާޅު މަރާމާތު ކުރުމުގެ މަސައްކަތް ކުރުމަށް މާދަމާއިން ފެށިގެން މި މަހުގެ 30 ވަނަ ދުވަހުގެ ނިޔަލަށް ދަންވަރު 00:00 އިން ފަތިހު 5:00އާ ހަމައަށް އެ ސަރަހައްދު ބަންދު ކުރުމަށް ހަމަޖެހިފައިވާ ކަމަށެވެ. އަދި މަސައްކަތް ކުރިއަށްދާ ވަގުތުތަކުގައި ޓްރެފިކް ފްލޯއަށް ބަދަލުތައް ގެނައުމަށް ވަނީ ނިންމާފައެވެ.
ANNOUNCEMENT 📢 pic.twitter.com/nJ4BvDqNUk
— Maldives Airports Company Ltd (@MACLmedia) April 22, 2026
އަދި އެމްޓީސީސީ ބަސްތައް ފަސިންޖަރުން ބޭލުމާއި ނެގުމަށް މަޑުކުރާނީ، ހަމައެކަނި އެއާޕޯޓުގެ ހުޅަނގު ފަރާތުން ސައިކަލް ޕާކިންގެ ބަސް ހުއްޓިއަށް ކަމަށް އެ ކުންފުނިން ވިދާޅުވިއެވެ.
އެމްއޭސީއެލް އިންޓާނަލް ބަސް ރޫޓު 1ގެ ދަތުރުތައް ނިންމާލާނީ، ޓާމިނަލް 1ގެ ޑިޕާޗާ ގޭޓަށް ކަމަށް އެ ކުންފުނިން ވިދާޅުވެއެވެ. އަދި ވޯޓާ ސަޕްލައިއަށް ދަތުރުކުރާ ބަސްތައް ފަށާނީ، ޓާމިނަލް 2ގެ ކުރިމަތީ ބުރު ކައިރިން ކަމަށްވެސް އެ ކުންފުނިން ވިދާޅުވިއެވެ.
މި ބަދަލާއެކު އެއާޕޯޓުގެ ބަސްތަކުގެ ޝެޑިއުލްއަށް ބަދަލެއް ނާންނާނެ ކަމަށާއި، ބަސް ރޫޓް ބަދަލުވާނީ ހަމައެކަނި ދަންވަރު 00:00 އިން ފަތިހު 5:00 އަށް ކަމަށްވެސް އެމްއޭސީއެލްއިން މައުލޫމާތުދެއްވައެވެ.
ކިޔުންތެރިންގެ ހިޔާލު