ހުޅުމާލެ ފޭސް 2ގައި ބިނާކުރާ 2 މިސްކިތެއްގެ މަސައްކަތް ބާރު ސްޕީޑުގައި ކުރިއަށްދާ ކަމަށް އިސްލާމިކް މިނިސްޓްރީން ބުނެފިއެވެ.
އެކްސްގައި ކުރި ޕޯސްޓެއްގައި އެ މިނިސްޓްރީން ބުނީ ހުޅުމާލެ ވިނަރެސް ފްލެޓު ސަރަޙައްދުގައި ބިނާކުރާ މިސްކިތުގެ 60 އިންސައްތަ މަސައްކަތް މިހާރު ނިމިފައިވާ ކަމަށެވެ. މިއީ، 1095 މީހުންގެ ޖާގައިގެ މިސްކިތެކެވެ.
މީގެއިތުރުން ހުޅުމާލެ ދެވަނަ ފިޔަވަހީގެ އަމާން އުދަރެސް ފްލެޓްތައް ހިމެނޭ ސަރަޙައްދުގައިވެސް ދަނީ މިސްކިތެއް ބިނާކުރަމުންނެވެ. މި މިސްކިތުގެ 75 އިންސައްތަ މަސައްކަތް މިހާރު ވަނީ ނިމިފައެވެ. މިއީ، 1800 މީހުންގެ ޖާގައިގެ މިސްކިތެކެވެ.
ހުޅުމާލެ ވިނަރެސް ފްލެޓު ސަރަޙައްދުގައި ބިނާކުރާ މިސްކިތުގެ 60 އިންސައްތަ މަސައްކަތް މިހާރު ވަނީ ނިމިފައި. މިއީ 1095 މީހުންގެ ޖާގައިގެ މިސްކިތެއް. pic.twitter.com/X3KIsBZVRn
— Ministry of Islamic Affairs & Endowments (@MVIaffairs) April 16, 2026
މިހާރު ހުޅުމާލޭގެ ދެވަނަ ފިޔަވަހީގައި ހުންނަނީ ދާއިމީ ތިން މިސްކިތެވެ. އެތަނުގެ އާބާދީ އިންތިހާއަށް ގިނަވެފައިވާއިރު ހުކުރު ނަމާދުގައި އެ ހުރިހާ މިސްކިތަށް ފުރި، ބައެއް މީހުން ނަމާދުގެ ސަފުތައް ހަދަންޖެހިފައި ވަނީ މަގުމަތީގައެވެ.
ހުޅުމާލެ ދެވަނަ ފިޔަވަހީގެ އަމާން އުދަރެސް ފްލެޓު ސަރަޙައްދުގައި ބިނާކުރާ މިސްކިތުގެ 75 އިންސައްތަ މަސައްކަތް މިހާރު ވަނީ ނިމިފައި. މިއީ 1800 މީހުންގެ ޖާގައިގެ މިސްކިތެއް.@MMuizzu pic.twitter.com/QHX3L5ES9m
— Ministry of Islamic Affairs & Endowments (@MVIaffairs) April 16, 2026
އެ ދެ މިސްކިތުގެ އިތުރުން ވެސް ހުޅުމާލެ ދެވަނަ ފިޔަވަހީގައި އިތުރު މިސްކިތްތަކެއް އިމާރާތްކުރުމުގެ މަސައްކަތް ވަނީ ފެށިފައެވެ.
މި އަހަރުގެ މިހާތަނަށް 15 އަށްވުރެ ގިނަ މިސްކިތް ވަނީ ހުޅުވާފައެވެ.
ކިޔުންތެރިންގެ ހިޔާލު