އިންތިޚާބުތައް ބާއްވަން ފަސް އަހަރުން އެއް ފަހަރު 100 މިލިއަން ރުފިޔާ ޚަރަދުކުރަން ޖެހުނަސް އެއީ ބޮޑު އަދަދެއް ނޫން ކަމަށް ކުރީގެ ރައީސް އިބްރާހިމް މުޙައްމަދު ޞާލިހު ވިދާޅުވެއްޖެއެވެ.
ރިޔާސީ އިންތިޚާބާއި ރައްޔިތުންގެ މަޖިލީހުގެ އިންތިޚާބު އެއްކޮށްލުމާމެދު ރައްޔިތުންގެ ފެންނަ ނުފެންނަ ވޯޓަކަށް ދާން ސަރުކާރުން ނިންމާފައިވާތީ، އެކަމާ ދެކޮޅަށް އެމްޑީޕީން ރޭ ބޭއްވި ޖަލްސާގައި ވާހަކަފުޅު ދައްކަވަމުން ޞާލިހު ވިދާޅުވީ، ސަރުކާރުން މި ބަދަލު ގެންނަން އުޅެނީ ޚަރަދު ކުޑަކުރުމުގެ ނަމުގައި ކަމަށެވެ. ނަމަވެސް ހަގީގަތުގައި މިއީ މިހާރު އޮތް މަޖިލީހުގެ ދައުރު ކުރުކުރުން ކަމަށް އެމަނިކުފާނު ސިފަކުރެއްވިއެވެ. ދެ އިންތިޚާބު އެއްކޮށްލައިގެން 50 މިލިއަން ރުފިޔާ ސަލާމަތް ކުރެވޭނެ ކަމަށް ސަރުކާރުން ބުނާ ވާހަކައަށް ރައްދު ދެއްވައި ޞާލިހު ވިދާޅުވީ، ޑިމޮކްރެޓިކް ނިޒާމެއްގައި އިންތިޚާބު ބާއްވަން އެވަރުގެ ޚަރަދެއް ކުރުމަކީ ބޮޑު ކަމެއް ނޫން ކަމަށެވެ. އެގޮތުން 60 މިލިއަން ޚަރަދުވިޔަސް އެއީ އަހަރަކަށް ޖެހޭ 12 މިލިއަން ރުފިޔާ ކަމަށާއި، އެއީ މަހެއްގެ މައްޗަށް އެއް މިލިއަން ރުފިޔާކަން ފާހަގަކުރައްވައި، ހަމައެކަނި ޚަރަދު ކުޑަކުރަން އިންތިޚާބުތަކުގެ ނިޒާމު ބަދަލުކޮށްގެން ނުވާނެ ކަމަށް ވިދާޅުވިއެވެ.
އެހެންނަމަވެސް ގިނަރައްޔިތުން އަބަދުވެސް އަޑުއުފުލަމުންދަނީ އިންތިހާބުތަކަށް ކުރާ ބޭކާރު ޙަރަދުތަށް މަދުކޮށް އެފައިސާއިން ރައްޔިތުންނަށް ކުރިމަތިވެފައިވާ ދަތިތަކަށް ހައްލުހޯމަށްކަން ގިނަބަޔަކު ގަބޫލުކުރެއެވެ.
ކިޔުންތެރިންގެ ހިޔާލު