މާލޭގެ ގެއެއްގެ ތެރޭގައި ދެ ލޯބިވެރިއެއްގެ ދެމެދުގައި ހިނގި ޒުވާބެއްގެ ތެރެއިން މާރާމާރީއެއް ހިންގައި، އޭގެ ތެރެއިން 64 އަހަރުގެ ފިރިހެން މީހާއަށް ތޫނު އެއްޗަކުން ހަމަލާދިން މައްސަލައާ ގުޅިގެން މީހަކު ހައްޔަރުކޮށްފިއެވެ.

ފުލުހުން ބުނީ އެ މައްސަލައާ ގުޅިގެން ހައްޔަރުކޮށްފައި ވަނީ 64 އަހަރުގެ ފިރިހެން މީހާގެ ލޯބިވެރިޔާ ކަމަށެވެ. އެއީ 32 އަހަރުގެ އަންހެނެކެވެ.

އޭނާގެ ބަންދަށް 30 ދުވަސް ކޯޓުން އިތުރުކޮށްފައިވާ ކަމަށް ވެސް ފުލުހުން ބުންޏެވެ.

އިޝްތިހާރު އިޝްތިހާރު

ފުލުހުން ބުނީ  64 އަހަރުގެ ފިރިހެން މީހާގެ ބުރަކައްޓަށް ތޫނު އެއްޗަކުން ހަމަލާދީ ޒަހަމްކޮށްލާފައިވާ ކަމަށެވެ. އަދި އަންހެން މީހާއަށް ވެސް އަނިޔާވެފައި ވާތީ، ހޮސްޕިޓަލްގައި ފަރުވާދިނެވެ.

މިހާތަނަށް ބެލިބެލުމުން އެ ދެ މީހުންނަކީ ލޯބީގެ ގޮތުން ގުޅިގެން އުޅޭ ދެ މީހުން ކަމަށް ފުލުހުން ބުންޏެވެ. މާރާމާރީ ހިންގާފައި ވަނީ ދެ މީހުންގެ މެދުގައި ހިނގި ޒުވާބެއްގެ ތެރެއިން ކަމަށް ވެސް ފުލުހުން ބުންޏެވެ.