އެސްޓީއޯއިން ވިއްކަމުންގެންދާ މަޝްހޫރު ޑެވޮންޑޭލަށް ހާއްސަކޮށްގެން އެސްޓީއޯ ޖެނެރަލް ޓްރޭޑިންގްއިން މުޅި ރާއްޖެއަށް ހުޅުވާލައިގެން ކުރިއަށްގެންދާ ހާއްސަ ޕްރޮމޯޝަނެއް ފަށައިފިއެވެ.
އެ ޕްރޮމޯޝަން ކުރިއަށްގެންދިއުމަށް ހަމަޖެހިފައިވަނީ އިއްޔެއިން ފެށިގެން އަންނަ އޮކްޓޯބަރު މަހުގެ 31 ގެ ނިޔަލަށެވެ.
އެސްޓީއޯއިން މިއަދު ބުނީ އެ ޕްރޮމޯޝަންގައި ޑެވޮންޑޭލްގެ އެއް ލީޓަރުގެ ކިރު ކޭހެއް ވިޔަފާރިކުރާ ކޮންމެ ކަސްޓަމަރަކަށް ހާއްސަ ލަކީ ޑްރޯއެއްގައި ބައިވެރިވެވޭނެ ކަމަށާއި އެ ޕްރޮމޯޝަންގައި ދޫކުރާ 30،000 ކޫޕަން ހޯދުމުގެ ފުރުސަތު ހޯލްސޭލް އަދި ރީޓެއިލް ކަސްޓަމަރުންނަށްވެސް ލިބިގެންދާނެ ކަމަށެވެ.
ލަކީ ޑްރޯގައި ކޮންމެ ހަފުތާއަކުވެސް ފަސް ނަސީބުވެރި ފަރާތް ހޮވުމަށް ވަނީ ހަމަޖެހިފައެވެ. އެއިން ކޮންމެ ފަރާތަކަށް 1000 ރުފިޔާގެ ފައިސާގެ އިނާމެއް ލިބިގެންދާނެއެވެ. އޭގެ އިތުރުން ޕްރޮމޯޝަން ނިމުމުން ނަސީބުވެރި ތިން ފަރާތެއް ހޮވުމަށް ވަނީ ހަމަޖެހިފައެވެ.
އެ ގުރުއަތުގައި ހޮވޭ ތިން ފަރާތަށް ލިބޭ އިނާމުތައް:
- އެއްވަނައަށް ހޮވޭ ފަރާތަށް – 50،000 ރުފިޔާ
- ދެވަނައަށް ހޮވޭ ފަރާތަށް – 25،000 ރުފިޔާ
- ތިންވަނައަށް ހޮވޭ ފަރާތަށް – 15،000 ރުފިޔާ
އެސްޓީއޯއިން ބުނީ އެ ޕްރޮމޯޝަން ކުރިއަށްދާނީ އެސްޓީއޯ ޕީޕަލްސް ޗޮއިސް، އެސްޓީއޯ ހޯލްސޭލް ސެންޓަރު، އެސްޓީއޯ ހުޅުމާލޭ ހޯލްސޭލް އަދި އެސްޓީއޯ ވިލިމާލޭ ފިހާރައިގައި ކަމަށެވެ. އަދި އަންނަ ސެޕްޓެމްބަރު މަހުގެ އެއްވަނަ ދުވަހުން ފެށިގެން އެސްޓީއޯގެ ހުރިހާ ރީޖަނަލް އައުޓްލެޓްތަކަށް އެ ޕްރޮމޯޝަން ފުޅާކުރެވިގެންދާނެ ކަމަށް އެސްޓީއޯއިން ބުންޏެވެ.
ކިޔުންތެރިންގެ ހިޔާލު