ރާއްޖެ ޓްރާންސްޕޯޓް ލިންކް، އާރްޓީއެލްގެ ފެރީގެ ޚިދުމަތް ޒޯން 4 ގައި ފެށުމަށް ތައްޔާރުވަމުންދާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ، އެމްޓީސީސީން ވިދާޅުވެއްޖެއެވެ. ޒޯން 4 ގައި ހިމެނޭ އަތޮޅުތަކަކީ، “މ، ފ، ދ، ތ، އަދި ލ އަތޮޅެވެ.
ރާއްޖެ ޓްރާންސްޕޯޓް ލިންކުގެ ޚިދުމަތް ފުޅާކުރުމާއި ގުޅޭގޮތުން ވާހަކަދައްކަވަމުން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ، އެމްޓީސީސީގެ އެސިސްޓެންޓް ޖެނެރަލް މެނޭޖަރ ޢަބްދުﷲ ފާރިޝް ހުސައިން ވިދާޅުވީ، އާރްޓީއެލްގެ ގެ ޚިދުމަތް އިތުރަށް ފުޅާކުރުމަށްޓަކައި އެމްޓީސީސީން ގިނަ މަސައްކަތްތަކެއް ކުރައްވާކަމަށެވެ.
އެގޮތުން ރައީސުލްޖުމްހޫރިއްޔާ ޑރ.މުޙައްމަދު މުޢިުއްޒުގެ ވަޢުދުފުޅާއި އެއްގޮތަށް މިއަހަރު ނިމުމުގެ ކުރިން މުޅި ރާއްޖޭގައި އެ ޚިދުމަތް ފެށުމަށް ކުރައްވާ މަސައްކަތުގެ ތެރެއިން، ޒޯން 4 ގައި ހިމެނޭ އަތޮޅުތަކުގައި އެ ޚިދުމަތް ފެށުމަށް މިހާރު ތައްޔާރުވަމުން އަންނަ ކަމަށް ފާރިޝް ވިދާޅުވިއެވެ.
ކިޔުންތެރިންގެ ހިޔާލު