ރިޓަޔާކުރައްވާ އުއްތަމަ ފަނޑިޔާރުންގެ ޕެންޝަން ބޮޑު ކުރުމަށް ރައްޔިތުންގެ މަޖިލީހުގެ ނައިބު ރައީސް އަހްމަދު ނާޒިމް ތާއީދު ކުރައްވައިފިއެވެ.
މިހާރުގެ އުއްތަމަ ފަނޑިޔާރު އަހްމަދު މުއުތަސިމް އަދުނާން ރިޓަޔާކުރައްވަން ހުށަހަޅުއްވާފައި ވަނިކޮށް، ޖޭއެސްސީން ވަނީ އުއްތަމަ ފަނޑިޔާރުންގެ ރިޓަޔާމަންޓް ޕެންޝަން ބޮޑުކުރުމަށް މާލިއްޔަތު ކޮމިޓީއަށް ހުށަހަޅާފައެވެ.
މިކަމާ ގުޅޭގޮތުން މިއަދު ބޭއްވި ކޮމިޓީ ބައްދަލުވުމުގައި ނާޒިމް ވިދާޅުވީ ރިޓަޔާ ކުރައްވާ އުއްތަމަ ފަނޑިޔާރުން ޝަރަފުވެރިކަމާއެކު ގެންގުޅުމަކީ ދައުލަތުގެ ޒިންމާއެއް ކަމަށެވެ.
ޖޭއެސްސީން މާލިއްޔަތު ކޮމިޓީއަށް ފޮނުވާފައިވާ ސިޓީގައި އެދިފައި ވަނީ ރިޓަޔާ ކުރާ އުއްތަމަ ފަނޑިޔާރަކަށް ދަތުރުފަތުރުގެ އެލަންސް (ޑްރައިވަރެއްގެ މުސާރަ އާއި ޕެޓްރޯލް) އާއި ލިވިން އެލަވަންސަށް މަހަކު 70،000ރ. ދިނުމަށެވެ.
ހަމައެހެންމެ ރިޓަޔާމަންޓް އެލަވަންސް ދިނުމުގައި ހިދުމަތް ކުރި މުއްދަތުގެ ގޮތުގައި ފަނޑިޔާރު ކަމުގައި ހޭދަވި މުއްދަތުގެ އިތުރުން މުޅި ދައުލަތަށް ހިދުމަތް ކުރި މުއްދަތު ހިމެނުމަށް ވެސް އެދިފައިވެއެވެ. އެގޮތަށް ފާސްވެއްޖެނަމަ، މުއުތަސިމްއަށް މިހާރު ލިބިވަޑައިގަންނަވަން އޮތް 185،100ރ.ގެ ބަދަލުގައި ލިބިވަޑައިގަންނަވާނީ 493،600ރ. އެވެ.
ކިޔުންތެރިންގެ ހިޔާލު