ރަމަޟާން މަހާ ދިމާކޮށް ސަރުކާރުން ހިންގަމުންދާ މަސްދަޅު ބެހުމުގެ ޕްރޮގްރާމަށް އޮންލައިން ޓޯކަން ދޫކުރަން ފެށުމާއެކު، ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) ގެ މޮބައިލް އެޕްލިކޭޝަނަށް ޑިސްޓްރިބިއުޓެޑް ޑިނައަލް އޮފް ސަރވިސް (ޑީޑޮސް) ހަމަލާތަކެއް އަމާޒުވެއްޖެއެވެ.

ސްޓެލްކޯއިން މިއަދު ނެރުނު ނޫސްބަޔާނެއްގައި ބުނެފައިވަނީ، ރޯދަހަދިޔާގެ ގޮތުގޮތުގައި ދޫކުރާ މަސްދަޅު ހޯދުމަށް އޮންލައިން ޓޯކަން ދޫކުރަން ފެށި ވަގުތާ ދިމާކޮށް، އެ ކުންފުނީގެ މޯބައިލް އެޕްލިކޭޝަނަށް ބޭރު ޤައުމުތަކުން މި ހަމަލާ އަމާޒުވެފައިވާ ކަމަށެވެ. މި ހަމަލާގެ ސަބަބުން ކުޑަ ވަގުތުކޮޅަކަށް އެޕްލިކޭޝަންގެ ޚިދުމަތް މެދުކެނޑުނު ކަމަށް ސްޓެލްކޯއިން ހާމަކޮށްފައިވެއެވެ.

އަޅުގަނޑުމެންގެ ސައިބަރ ސެކިއުރިޓީ ޓީމުގެ ހަރުދަނާ މަސައްކަތުން މިހާރު މި ހަމަލާތައް ކާމިޔާބުކަމާއެކު ހުއްޓުވައި، އެޕްލިކޭޝަންގެ ޚިދުމަތް އަލުން ފޯރުކޮށްދޭން ފެށިފައިވާނެ,މި ހާދިސާއާ ގުޅިގެން ކަސްޓަމަރުންނަށް ދިމާވި އުނދަގޫތަކަށް އަޅުގަނޑުމެން ވަރަށް ބޮޑަށް މަޢާފަށް އެދެން.

މި ހާދިސާއާ ގުޅިގެން ސްޓެލްކޯއިން ވަނީ ސައިބަރ ސެކިއުރިޓީ އިތުރަށް ހަރުދަނާކުރުމުގެ ފިޔަވަޅުތަކެއް އަޅަން ފަށާފައެވެ. އަދި މިފަދަ ހަމަލާތަކުން ރައްކާތެރިވުމަށް ކަސްޓަމަރުންނަށް އިތުރު އިރުޝާދުތަކެއްވެސް ދީފައިވެއެވެ.

އިޝްތިހާރު އިޝްތިހާރު

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު  ސަރުކާރުން ރަމަޟާން މަހާ ދިމާކޮށް ހިންގާ މި ޚާއްޞަ ޕްރޮގްރާމުގެ ދަށުން، ރާއްޖޭގެ ހުރިހާ ރަށެއްގައި ދިރިއުޅޭ ރައްޔިތުންނަށް މަސްދަޅު ބަހަމުންދާކަން ފާހަގަކޮށްލެވެއެވެ.