އިމިގްރޭޝަނުން މިއަދު އިޢުލާނުކުރި ގޮތުގައި، ސަބަތު ދުވަހުން ފެށިގެން މާލެ ސަރަޙައްދުގައި ހިމެނޭ އިމިގްރޭޝަންގެ ތިން އޮފީހަކުން ޕާސްޕޯޓު ދޫކުރުމުގެ ޚިދުމަތް ފޯރުކޮށްދޭން ފަށާނެއެވެ.
މާދަމާ އިން ފެށިގެން މާލެ ސަރަހައްދުގައި ހިމެނޭ އިމިގްރޭޝަންގެ 03 އޮފީހަކުން ކޮންމެ ހޮނިހިރު ދުވަހަކު ވެސް ޕާސްޕޯޓު ދޫކުރުމަށް ވަނީ ހަމަޖެހިފައި.#DhivehiPassport #MaldivesImmigration pic.twitter.com/gg21qUmabz
— Maldives Immigration (@ImmigrationMV) January 24, 2025
Advertisement
މި ޚިދުމަތް ލިބޭނެ ތަންތަނަކީ:
1. ވެލާނާގޭގައި ހުންނަ އިމިގްރޭޝަންގެ މާލޭ އޮފީސް
2. ހުޅުމާލެ ފޭސް 1 ގައި ހުންނަ އުމަރު ޒާހިރު ބިލްޑިންގގެ އިމިގްރޭޝަން އޮފީސް
3. ހުޅުމާލެ ފޭސް 2 ގެ ވިނަރެސްގައި ހުންނަ އިމިގްރޭޝަން އޮފީސް
އިމިގްރޭޝަން ކޮންޓްރޯލަރ ޝަމްއާން މުޙައްމަދު ވިދާޅުވި ގޮތުގައި، މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިރުޝާދާ އެއްގޮތަށް، ޚިދުމަތް ދޭ ވަގުތު އިތުރުކޮށް، ރައްޔިތުންނާ ގާތުން އަވަސް އަދި ލުއިފަސޭހަ ޚިދުމަތެއް ފޯރުކޮށްދިނުމަށް އަމާޒުކޮށްގެން ނިންމި ނިންމުމެކެވެ.
އިތުރުން، މެޑިކަލް އެމަޖެންސީގައި ރާއްޖެއިން ބޭރަށް ދަތުރުކުރާ ފަރާތްތަކަށް ކުރިއެކޭ އެއްފަދައިން 24 ގަޑިއިރު ޚިދުމަތް ލިބެން ހުންނާނެ ކަމަށްވެސް ޝަމްއާން ފާހަގަކުރެއްވިއެވެ.
ކިޔުންތެރިންގެ ހިޔާލު