2025 ވަނަ އަހަރުގެ ޖަނަވަރީ މަހުގެ 24 ވަނަ ދުވަހުން 29 ވަނަ ދުވަހުގެ ނިޔަލަށް ކުރިއަށްގެންދިއުމަށް ހަމަޖެހިފައިވާ މި މުބާރާތުގައި މިއަހަރު ޖުމްލަ 6 ޓީމު ބައިވެރިވެފައިވެއެވެ. މުބާރާތް ކުރިއަށްގެންދިއުމަށް ހަމަޖެހިފައިވަނީ ބައިވެރިވެފައިވާ 6 ޓީމު ދެ ގްރޫޕަކަށް ބަހާލައިގެންނެވެ.
މި ގޮތުން ކޮންމެ ޓީމަކުން އަނެއް ޓީމާ އެއް މެޗު ކުޅޭ އުސޫލުން ކުރިއަށްދާއިރު، ކޮންމެ ގްރޫޕަކުން ވެސް އެންމެ ރަނގަޅު ނަތީޖާ ހޯދާ ދެ ޓީމަށް މުބާރާތުގެ ސެމީ ފައިނަލްގައި ވާދަކުރުމުގެ ފުރުޞަތު ލިބިގެންދާނެއެވެ.
މި މުބާރާތުގެ ޗެމްޕިއަން ޓީމަށް 10،000 ރުފިޔާ އަދި ރަނަރަޕް ޓީމަށް 5،000 ރުފިޔާގެ ފައިސާގެ އިނާމު ކަނޑައަޅާފައިވެއެވެ. މި މުބާރާތަކީ ގެމަނަފުށީގެ އިތުރުން ހުވަދު އަތޮޅުގައި ވެސް ބާއްވާ ފުރަތަމަ ބީޗް ވޮލީބޯޅަ މުބާރާތެވެ.
އައިޑިއަލް ޖަމްޢިއްޔާގެ ފަރާތުން މިފަދަ މުބާރާތެއް ބޭއްވުމުގެ މައިގަނޑު މަޤްޞަދަކީ ބީޗް ވޮލީބޯޅަ މި ސަރަޙައްދަށް ތަޢާރަފުކުރުމުގެ އިތުރުން، ދުޅަހެޔޮ މުޖުތަމަޢެއް ބިނާކުރުމަށް ކުޅިވަރުގެ ޛަރީޢާއިން ޒުވާނުންނަށް އިތުރު ފުރުޞަތުތަކެއް ހޯދައިދިނުމެވެ.
ކިޔުންތެރިންގެ ހިޔާލު