- ފުއްޕާމެއާއި ހިތުގެ ބަލި ހުންނަ މީހުން ބޭރުގައި ހޭދަކުރާ ވަގުތު މަދުކުރަންޖެހޭ
- އަދި މާބަނޑު މީހުންނާއި ދުވަސްވީމީހުންވެސް ބޭރުގައި ހޭދަކުރާ ވަގުތު މަދުކުރަންޖެހޭ
- ބޭރުގައި އުޅޭއިރުވެސް މާސްކު އެޅުމަށް އެޗްޕީއޭއިން އިލްތިމާސްކުރައްވާ
ރާއްޖެ ސަރަޙައްދުގެ ވައި ނުސާފުވުމުގެ ސަބަބުން ސަމާލުވުމަށް ހެލްތު ޕްރޮޓެކްޝަން އޭޖެންސީ އެޗްޕީއޭއިން އިލްތިމާސްކުރައްވައިފިއެވެ. މިގޮތުން ބޭރުގައި އުޅުން މަދުކުރުމަށާއި ބޭރުގައި އުޅޭއިރު ރައްކާތެރިކަމަށްޓަކައި މާސްކު އެޅުމަށް އެޗްޕީއޭއިންވަނީ އިލްތިމާސްކުރައްވާފައެވެ.
ކޮންމެ އަހަރެއްގެވެސް އިރުވައި މޫސުން ފެށިގެން އަންނައިރު ރާއްޖޭގެ އިރު އުތުރުން ވައި ޖެހެމުންދާތީ، ކޮންމެ އަހަރެއްގެވެސް މިމުއްދަތުގެ ތެރޭގައި ރާއްޖޭގެ ވައި ނުސާފުވުމުގެ މައްސަލަ ކުރިމަތިވެއެވެ.
ވައި ނުސާފު ވަގުތުތަކުގައި ރައްކާތެރިވެ ސަމާލުވެލައްވާ!#airpollutionawareness pic.twitter.com/aunA2D5U6P
Advertisement— Health Protection Agency (@HPA_MV) January 19, 2025
މައިގަނޑުގޮތެއްގައި އިންޑިއާ ސަބްކޮންޓިނެންޓުން އަންނަ ހިރަފުސްދުން ރާއްޖެމައްޗަށް އަންނަކަމަށް މޫސުމާއި ބެހޭ ޤައުމީ އިދާރާއިން ވިދާޅުވެއެވެ. އަދި ކޮންމެ އަހަރެއްގެވެސް ޖެނުއަރީ ފެބްރުއަރީ މަހު ރާއްޖޭގެ ވައި ނުސާފުވާކަމާށް ރިކޯޑުކުރެވޭކަން އެއިދާރާއިން ފާހަގަކުރައްވައެވެ. އަދި އާއްމުގޮތެއްގައި ވައި ސާފުވަނީ މަރިޗު މަހުގެ ތެރޭގައިކަމަށް މެޓުން ވިދާޅުވެއެވެ.
ރާއްޖެ ސަރަޙައްދުގެ ވައި އާދިއްތަ ދުވަހު ނުސާފުވެފައިވާކަން ފާހަގަވެފައިވާއިރު ވައިޖެހޭ ގޮތަށް ބަލާއިރު ކުރިއަށް އޮތް 24 ގަޑިއިރުގެ ތެރޭވެސް ވައިގެ ކޮލިޓީ ދަށްވާނެކަމަށް މެޓުން ލަފާކުރައްވައެވެ.
ކިޔުންތެރިންގެ ހިޔާލު