ހުޅުމާލެ ޕޮލިސް ކޮމާންޑުން ކުުޑަކުދިންނަށް ހާއްސަކޮށްގެން ހަވީރެއް ބާއްވައިފިއެވެ.
މި އޮކްޓޫބަރު މަހުގެ 3 ވަނަ ދުވަހު ކުޑަކުދިންނަށް ހާއްސަ ތަފާތު ކުޅިވަރުތަކާއެކު މި ހަވީރު ބާއްވާފައިވަނީ ހުޅުމާލެ ފޭސް 2 ރުއްގަނޑު ސަރަހައްދުގައެވެ. މި ހަވީރު ފައްޓަވައިދެއްވީ ކޮމިޝަނަރ އޮފް ޕޮލިސް (ރިޑަޔާޑް) ހަމްދޫން ރަޝީދުއެވެ.
ފުލުުހުންގެ ޚިދުމަތުގެ ދުވަހާ ގުޅުވައިގެން ބޭއްވި މި ހަވީރުގައި، ޕޮލިސް މެޑިކަލް، އެފްސީޕީ، އެންޓި ސްކޭމް ސެންޓަރު، މެރިން ޕޮލިސް، ފޮރެންސިކް، ކޭނައިން ސްކޮޑް، އެސްއޯ އަދި ހުޅުމާލެ ޓްރެފިކް ޕޮލިހުން ބައިވެރިވެ ސްޓޯލްތައް ބަހައްޓައި ކުޑަކުދިން ޝައުގުވެރިވާނެފަދަ ކުޅިވަރުގެ ހަަރަކާތްތަކާއި މައުލޫމާތު ދިނުން ކުރިއަށް ގެންގޮސްފައިވެއެވެ. މި ހަވީރު ކުރިއަށް ގެންގޮސްފައިވަނީ ޕަބްލިކް ޓްރަސްޓް އެންޑް ކޮންފިޑެންސް މެނޭޖްމަންޓުގެ ހާއްސަ އެހީތެރިކަމާއެކުގައެވެ.
ވަރަށްބޮޑު ތަރުހީބެއް ލިބިގެންދިޔަ މި ހަވީރުގައި ގިނަ އަދަދެއްގެ ކުދިން ބައިވެރިވިއެވެ. މި ހަވީރުގައި ބައިވެރިވެ ޓާސްކުތައް ފުރިހަމަކުރި ކޮންމެ ކުއްޖަކަށް ވެސް ހަދިޔާ ދީފައިވެއެވެ.
ކިޔުންތެރިންގެ ހިޔާލު