ދިވެހި ފުލުހުންގެ ޚިދުމަތުގެ ރަސްމީ ތަރުޖަމާނުގެ މަގާމަށް އިންސްޕެކްޓަރ އޮފް ޕޮލިސް އަޙްމަދު ޝިޔާމް ހަމަޖައްސަވަައިފި އެވެ.
ފުލުހުންގެ ތަރުޖަމާންގެ މަގާމަށް ޝިޔާމް، މިއަދުން ފެށިގެން އައްޔަނުކުރައްވާފައިވާކަން ދެންމެ އެ އިދާރާއިން ވަނީ ހާމަކޮށްފަ އެވެ.އިންސްޕެކްޓަރ އޮފް ޕޮލިސް އަޙްމަދު ޝިޔާމް މި މަގާމާ ހަވާލުވެވަޑައިގަތީ، މީގެ ކުރިން ތަރުޖަމާނުގެ މަސްއޫލިއްޔަތު އަދާކުރެއްވި ސުޕްރިންޓެންޑެންޓް އޮފް ޕޮލިސް އާރިފްގެ ބަދަލުގައެވެ.
މި ބަދަލާ ގުޅިގެން، ދިވެހި ފުލުހުންގެ ޚިދުމަތުގެ ފަރާތުން މީޑިއާތަކަށް މައުލޫމާތު ދެއްވުމާއި، އާންމު ހޭލުންތެރިކަން އިތުރުކުރުމުގެ މުއާމަލާތްތަކުގައި އެންމެ އިސްކޮށް ދެން ހަރަކާތްތެރިވެވަޑައިގަންނަވާނީ އިންސްޕެކްޓަރ އޮފް ޕޮލިސް އަޙްމަދު ޝިޔާމް ކަމަށް ފުލުހުން ބުންޏެވެ.
ޝިޔާމް ވަނީ މީގެ ކުރީން ވެސް އެ މަޤާމު ފުރުއްވާފަ އެވެ. މަގާމުގެ ނުފޫޒު ބޭނުންކުރި ކަމަށް ތުހުމަތުކޮށް ޝިޔާމް, ފުލުހުންގެ ވަޒީފާއީން ވަކިކުރީ މީގެ 12 އަހަރު ކުރީން 2014 ވަނަ އަހަރު އެވެ.
ނަމަވެސް ހައިކޯޓުން އެ މައްސަލަ ބެލުމަށް ފަހު ނިންމީ ޝިޔާމަށް އަލުން ވަޒީފާ ދޭށެވެ. ކޯޓްގެ ޙުކުމާއި އެއްގޮތަށް ޝިޔާމަށް ވަޒީފާ ހަމަޖެހި އަލުން ނިކުންނަވަން ފެއްޓެވީ ޖޫން 3، 2026 ގަ އެވެ.
ކިޔުންތެރިންގެ ހިޔާލު