ދުބާއީން އިޒްރޭލަށް މިދިޔަ ބުދަ ދުވަހު ދަތުރުކުރި ފްލައިދުބާއީގެ ފްލައިޓެއް ހައިޖެކްކޮށް ޓެރަރިސްޓް ހަމަލާއެއް ދޭން އުޅުނު ކަމުގެ ތުހުމަތުގައި، އެ އެއާލައިންގައި މަސައްކަތްކުރާ ދެ ދިވެއްސަކު ޔުނައިޓެޑް އަރަބް އެމިރޭޓްސް (ޔޫއޭއީ) އިން ރޭ ހައްޔަރުކޮށްފިއެވެ.
ސަރުކާރުގެ ތަރުޖަމާނު މުޙައްމަދު ހުސައިން ޝަރީފް (މުންދު) ވިދާޅުވީ ރޭގެ ވަގުތެއްގައި ދެ ދިވެއްސަކު ދުބާއީއިން ހައްޔަރުކޮށްފައިވާ ކަމަށެވެ. އެއީ ފްލައިދުބާއީއާ ވަރަށް ފަހުން ގުޅުނު ދެ ދިވެހީން ކަމަށް އޭނާ ވިދާޅުވިއެވެ.
ނަމަވެސް އެ ދިވެހީންނާއި ފްލައިދުބާއީގެ ފްލައިޓް ވައްޓާލަން އުޅުނު މައްސަލައާ އޮތް ގުޅުމެއް އަދި ޔަގީންނުވާ ކަމަށް ތަރުޖަމާނު ވިދާޅުވިއެވެ. އެ މީހުންނަކީ އެއްވެސް ކުށެއް ކުރިކަމަށް ބެލެވޭ ނުވަތަ ކޮން ތުހުމަތެއްގައި ހައްޔަރުކުރި ބައެއްކަން އަދި ކަށަވަރުވެފައެއް ނުވެއެވެ.
އެ މީހުންނަށް ދިވެހި ސަރުކާރުގެ ފަރާތުން ފޯރުކޮށްދެވެން ހުރި އެހީތެރިކަން ދިނުމުގެ މަސައްކަތް ޔޫއޭއީގެ ސަރުކާރާ ގުޅިގެން ކުރަމުން އަންނަކަމަށް ތަރުޖަމާނު ވިދާޅުވިއެވެ.
މި ހާދިސާ ހިނގާފައިވަނީ ސަތޭކަ ހަތްދިހަ ހަތަރު ފަސިންޖަރުންނާއި އަށް ކުރޫންނާއެކު ދުބާއީން އިޒްރޭލުގެ ތެލް އަވީވްއަށް ދަތުރުކުރި ފްލައިދުބާއީގެ ބޯޓެއްގައެވެ.
ފްލައިޓް ޓްރެކިން ޑޭޓާތަކުން ދައްކާ ގޮތުގައި، ބޯޓުން ފުރަތަމަ ހަތް ހާސް ހަތްސަތޭކައިގެ އިމަޖެންސީ ކޯޑު ފޮނުވުމަށްފަހު، އޭގެ ހަތް މިނެޓު ފަހުން ވަނީ ހައިޖެކްކުރުން ނުވަތަ ގަވާއިދާ ޚިލާފު އަމަލެއް ހިނގާކަން އަންގައިދޭ ހަތް ހާސް ފަސްސަތޭކައިގެ ކޯޑު ފޮނުވާފައެވެ. އަދި ގާތްގަނޑަކަށް ސައުވީސް ސިކުންތުގެ ތެރޭގައި ބޯޓު ވަނީ ސުއްދަހާސް ފޫޓު ތިރިކޮށްފައެވެ.
އޭގެ ފަހުން އިސްރާއީލުން ވަނީ ބޯޓުގެ މިސްރާބު ބަދަލުކޮށް ސައުދީ އަރަބިއްޔާއަށް ޖައްސަން ޖެހުނީ ހައިޖެކްކޮށްގެން ނޫން ކަމަށާއި، އެއީ ސަލާމަތީ ނުރައްކަލެއް އޮތް ކަމެއް ނޫން ކަމަށް ބުނެފައެވެ.
މި މައްސަލައާ ގުޅޭ ގޮތުން ޔުނައިޓެޑް އަރަބް އެމިރޭޓްސްއިން ވަނީ، އެ ހަމަލާއަކީ ބޯޓު ވައްޓާލަން ކޯޕައިލެޓް ދިން ހަމަލާއެއް ކަމަށާއި އެއީ ޓެރަރިޒަމްގެ އަމަލެއް ކަމަށް ބުނެފައެވެ.
ކިޔުންތެރިންގެ ހިޔާލު