ގދ. ފިޔޯރީ ބަނދަރު ތަރައްޤީކުރުމުގެ މަޝްރޫޢޫގެ ދަށުން، ހިލައިގެ ފުރަތަމަ ޝިޕްމަންޓު އެރަށަށް ގެންގޮސްފައިވާކަމަށް ކޮންޓްރެކްޓަރ އެމްޓީސީސީން ބުނެފިއެވެ.
އެމްޓީސީސީން ބުނީ ފިޔޯރީ ބަނދަރު ތަރައްޤީކުރުމުގެ މަޝްރޫޢުގެ ތެރެއިން މިހާރު ކުރިއަށް ދަނީ ހިލަ ޖެހުމުގެ މަސައްކަތް ކަމަށެވެ. މި މަޝްރޫޢުގެ މަސައްކަތް ފަށާފައިވަނީ މިދިޔަ އަހަރުގެ މޭ މަހުގެ 11 ވަނަ ދުވަހުއެވެ.
ފިޔޯރީގައި މިހާރު ބޭނުންކުރަނީ 2009ވަނަ އަހަރުގެ ބޭނުންކުރަންފެށި ބަނދަރެކެވެ. އޭރު ބަނދަރު ތަރައްޤީކޮށްފައިވާގޮތުން ލަފާފުރުމުގެ މައްސަލައަށް ހައްލެއްވަނީ ނުލިބިފައެވެ. އެހެންކަމުން ބަނދަރު ތަރައްޤީކުރުމުގެ މަސައްކަތް 2025 ވަނަ އަހަރުގެ އޭ÷ްރީލް މަހު ވަނީ އެމްޓީސީސީއާ ހަވާލުކޮށްފައެވެ.
ފިޔޯރީ ބަނަދަރު ތަރައްޤީކުރުމުގެ މަޝްރޫގެ ދަށުން ނެރު ބައްތިއާއި މަގު ބައްތި ޖެހުމަށްވެސް ވަނީ ހަމަޖެހިފައެވެ.
މި މަޝްރޫޢު ސަރުކާރުން އެމްޓީސީސީއާ ޙަވާލުކުރީ 38 މިލިއަނަށްވުރެ ގިނަ ރުފިޔާއަށެވެ.
ފިޔޯރީ ބަނދަރު ތަރައްޤީކުރުމުގެ މަޝްރޫޢު ނިމޭއިރު ޒަމާންތަކެއް ވަންދެން ރަށުގެ ރައްޔިތުން އުފުލަމުންދިޔަ ލަފާފުރުމުގެ ދަތިކަމަށް ދާއިމީ ހައްލެއް ލިބޭނެކަމަށް ސަރުކާރުން ބުންޏެވެ.
ކިޔުންތެރިންގެ ހިޔާލު