ޕީޕަލްސް ނެޝަނަލް ކޮންގްރެސް (ކޮންގްރެސް ޕާޓީ) ގެ ކުރިއަށް އޮތް ކޮންގްރެސް ނުވަތަ މަތީ މަޖިލީހުގެ ބައްދަލްވުން ބާއްވާނީ މިހާތަނަށް ރާއްޖޭގައި ޑިމޮކްރެޓިކަލީ ބޭއްވޭ އެންމެ ފުރިހަމަ އެންމެ ކާމިޔާބު ބައްދަލްވުމަށް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެ އެވެ.
އއ. އުކުޅަހުގައި އޮތް ކޮންގްރެސް ޕާޓީގެ ހަރުގެ ޖަލްސާގައި ވާހަކަފުޅު ދައްކަވަމުން ރައީސް ވަނީ ޕީއެންސީގެ ކޮންގްރެސްއަށް ހުރިހާ މެންބަރުން ވެސް ތައްޔާރުވުމަށް އެދިވަޑައިގެންފަ އެވެ. އެއީ މުޅި ރާއްޖެ ތަމްސީލުވާނެހެން ބޭއްވޭ ވަރަށް ފުރިހަމަ ބައްދަލްވުމަކަށް ވާނެ ކަމަށް ވިދާޅުވި އެވެ.
“ކުރިއަށް އޮތް ކޮންގްރެސް އަކީ ވަރަށް ލާމަސީލު ވަރަށްވެސް ފުރިހަމަ — ފުރިހަމަ އޭ މި ދަންނަވަނީ އަޅުގަނޑުމެންގެ އުޅުންތަކާއި އަޅުގަނޑުމެންގެ ގުޅުންތައް އަޅުގަނޑުމެން ކަންކުރާ ގޮތް ވަރަށްވެސް ރީތި ވަރަށްވެސް އަޚްލާޤީ ގޮތުން ފުރިހަމަ ކޮންގްރެސް އަކަށްވާނެ،” ރައީސް
Advertisement
ރައީސް ވިދާޅުވީ ކޮންގްރެސްގެ ކޮންމެ ނިންމުމެއް ނިންމޭނީ ޑިމޮކްރެޓިކް އުސޫލުން ކަމަށެވެ. އަދި މުޅި ކޮންގްރެސް ވާނީ ދިވެހި ސިޔާސީ މައިދާނަށް ވަރަށް ރީތި މިސާލަކަށް ކަމަށް ވިދާޅުވި އެވެ.
“މިހާތަނަށް ރާއްޖޭގައި ޑިމޮކްރެޓިކަލީ ބޭއްވޭ އެންމެ ފުރިހަމަ އެންމެ ކާމިޔާބު ބައްދަލްވުމަށް މި އަންނަ މަހުގެ މެދުތެރޭގައި ބޭއްވޭ އަޅުގަނޑުމެންގެ ކޮންގްރެސް ވެގެންދާނެ،” ރައީސް ވިދާޅުވި އެވެ.
ޕީއެންސީގެ ކޮންގްރެސް އޮތީ އަންނަ ސެޕްޓެންބަރު މަހު އެވެ.
ކިޔުންތެރިންގެ ހިޔާލު