ފުޓްބޯޅަ މުބާރާތްތައް ރާވައި ހިންގުމަށް އުފައްދާ ފީފާގެ ރައީސް އުފައްދަން އުޅޭ ވިޔަފާރި ކުންފުންޏަށް އިންވެސްޓް ކުރުމުގައި އިސްކޮށް އުޅެނީ އެމެރިކާގެ ރައީސްގެ އާއިލީ ކުންފުންޏެއްކަމަށް ތުހުމަތުކޮށްފިއެވެ.
ވިޔަފާރި ކުންފުންޏަށް އިންވެސްޓް ކުރުމުގައި އިސްކޮށް އުޅެނީ އެމެރިކާގެ ބިލިއަނަރު ހޯޝުއާ ކުޝްނާ ކަމަށް މީޑިއާއިން ވަނީ ރިޕޯޓްކޮށްފައެވެ. އިނގިރޭސިވިލާތުގެ ދަ ޓައިމްސްއާއި ފައިނޭންޝިއަލް ޓައިމްސްއިން ބުނީ، ފީފާ ވިޔަފާރި ކުންފުނީގެ ހިއްސާ ގަންނަން އުޅޭނީ އެމެރިކާގެ ރައީސް ޑޮނަލްޑް ޓްރަމްޕްގެ ދަނބިދަރިކަލުން ޖެރެޑް ކުޝްނާގެ ކޮއްކޮ ޖޯޝުއާ ކުޝްނާގެ އިންވެސްޓްމެންޓް ކުންފުނި “ތުރައިވް ކެޕިޓަލް” އާއި އެ ގައުމުގެ ނުފޫޒުގަދަ ބޭންކެއް ކަމަށްވާ ޖޭޕީ މޯގަން ޗޭސް ބޭންކެވެ.
ފީފާގެ މެމްބަރު ގައުމުތަކަށް އިންފަންޓީނޯ ފޮނުއްވި ސިޓީގައި ބުނެފައިވަނީ އޭނާގެ ވިޔަފާރީގެ ޕްލޭން ފާސްކޮށްދީފިނަމަ ކޮންމެ ގައުމަކަށް ވެސް ލިބޭ ފައިސާ އިތުރުވެގެންދާނެ ކަމަށެވެ. މި ގޮތުން ވިޔަފާރި ކުންފުނީގެ ޕްލޭން ފާސްކޮށްދީފިނަމަ 2027 އާއި 2031 އާ ދެމެދު ފީފާގެ މެމްބަރު ގައުމުތަކަށް 40 މިލިއަން ޑޮލަރުގެ އާމްދަނީ ބަހާނެ ކަމަށެވެ. އަދި މި އަދަދު ކޮންމެ ހަތަރު އަހަރަކުން އިތުރުވަމުންދާނެ ކަމަށެވެ. މި ގޮތުން 2031އިން 2034 އަށް 22 މިލިއަން އަދި 22035 އިން 2038 އަށް 24 މިލިއަން ޑޮލަރުގެ ފައިސާ ބަހާނެ ކަމަށެވެ.
ނަމަވެސް މި ޕްލޭނަށް ޔޫރަޕުން ވަނީ ވަރަށް ބޮޑަށް ދެކޮޅު ހަދާފައެވެ. އަދި ޔޫރަޕްގެ ޤައުމުގެ ބައެއް އިސްވެރިންވެސް އަންނަނީ އެކަމަށް ދެކޮޅުހަދައި ފާޑުކިޔަމުންނެވެ.
ކިޔުންތެރިންގެ ހިޔާލު