ދުނިޔޭގެ ފުޓުބޯޅަ އިދާރާ، ފީފާގެ ނިންމުންތަކާމެދު ހިތްހަމަނުޖެހި، ފީފާގެ މުބާރާތްތައް ބޮއިކޮޓުކުރުމަށް ޔޫރަޕުގެ ފުޓްބޯޅަ ޖަމުޢިއްޔާ، ޔުއެފާއިން މަޝްވަރާފަށައިފިއެވެ.
މި މަޝްވަރާތައް ފަށާފައިމިވަނީ ފީފާގެ ކުރީގެ ރައީސް ސެޕް ބްލެޓާ ފީފާގެ މިހާރުގެ ރައީސް ޖިއާނީ އިންފަންޓީނޯއަށް ވަރަށް ބޮޑަށް ފާޑުވިދާޅުވިތާ މަދު ވަގުތުކޮޅެއްގެ ތެރޭގައެވެ. ބްލެޓާ ތުހުމަތުކުރެއްވިގޮތުގައި އިންފަންޓީނޯ އުޅުއްވަނީ ވޯލްޑް ކަޕް ވިއްކާލާށެވެ.
ޔޫރަޕްގެ ފުޓުބޯޅަ ޖަމުޢިއްޔާއިން ފީފާ ބޮއިކޮޓުކޮށްފިނަމަ، ޔޫރަޕްގެ ޤައުމުތަކުން މުބާރާތުގައި ބައިވެރިނުވާނެއެވެ. އެގޮތުން ވޯލްޑް ކަޕުގެ ޗެމްޕިއަން ސްޕޭނާއި މުބާރާތުގެ ދެ ވަނަ އަށް އެންމެ ކާމިޔާބު ގައުމުތައް ކަމަށްވާ ޖަރުމަނާއި ފްރާންސް އަދި އިޓަލީ ފަދަ ގައުމުތައް ދުނިޔޭގެ އެންމެ ޝަރަފުވެރި މުބާރާތުން ނުފެންނާނެއެވެ. ޔޫއޭފާއިން ދަނީ ގައުމީ ޓީމުތަކުގެ އިތުރަށް ޔޫރަޕުގެ ކުލަބުތަކުން ފީފާގެ މުބާރާތްތައް ބޮއިކޮޓް ކުރެވޭނެގޮތަކީ ކޮބާތޯ ބެލުމަށް މަޝްވަރާ ކުރަން ތައްޔާރުވަމުންނެވެ. މިކަމާ ގުޅިގެން ޔޫއޭފާއާއި ފީފާއިންވެސް ރަސްމީކޮށް އެއްޗެއް ބުނެފައެއް އަދި ނުވެއެވެ.
މިފަހުން ބޭއްވި ވޯލްޑުކަޕްގައި ބައެއް ޤައުމުތަކަށް ފީފާއިން ޚާއްސަ ގޮތްތަކެއް ގެންގުޅުންކަމަށް ދަނީ ތުހުމަތުކުރަމުންނެވެ. މިގޮތުން މެރިކާގެ ރައީސްއާ ވަރަށް ގާތް ގުޅުމެއް ބާއްވައި ފީފާއިން މި ފަހުން ނިންމު ބައެއް ނިންމުންތަކާމެދު ޔޫއޭފާއިން ވަނީ ވަރަށް ބޮށް ހިތްހަމަ ނުޖެހުން ފާޅުކޮށްފައެވެ. އެ ނިންމުންތައް ޔޫއޭފާއިން ސިފަ ކުރީ ސިޔާސީ ވަކި ބަޔަކު ހިތްހަމަ ޖައްސަން ނިންމު ސިޔާސީ ނިންމުންތަކެއްގެ ގޮތުގައެވެ.
ކިޔުންތެރިންގެ ހިޔާލު