ކުޅުދުއްފުށި ސިޓީގައި ޕިކްޕޯސްޓުގެ ޚިދުމަތް ފަށައިފިއެވެ.
އަލަށް ތަޢާރަފްކުރި ޕިކްޕޯސްޓުގެ ޚިދުމަތާއެކު، ޕޯސްޓުގެ ޚިދުމަތްތައް އެރަށު ބަންޑާރަމަގު، ސީނާ ބލްޑިންގެ ފުރަތަމަ އަދި ދެވަނަ ފަންގިފިލާއަށްވަނީ ބަދަލުކޮށްފައެވެ. އަލަށް ފެށި ޕިކް ޕޯސްޓުގެ ޚިދުމަތާއެކު ކުޅުދުއްފުށި ސިޓީން ޕޯސްޓް ކުރުމާއި، ޕާރުސަލް ނެގުމާއި، ޕޯސްޓުގެ އެހެން ޚިދުމަތްތައް ހޯއްދަވާ ފަރާތްތަކަށް ޚިދުމަތް ހޯދުމުގައި ބޮޑެތި ފަސޭހަތަކެއް ލިބިގެންދާނެއެވެ.
ޕިކްޕޯސްޓުގެ ޚިދުމަތުގެ ސަބަބުން ޕާރުސަލް ނެގުމަށް ޚިދުމަތް ހޯދާ ފަރާތްތަކުން ކިއުގައި މަޑުކުރަން ނުޖެހޭނެއެވެ. އަދި ޕާރުސަލް ނެގުމަށް މޯލްޑިވްސް ޕޯސްޓުން ކުރާ މެސެޖުގައި ހިމެނޭ ވަގުތުތަކުގެ ތެރޭގައި އެފަރާތްތަކަށް ފަސޭހަ ކޮންމެ ވަގުތަކު ޕާރުސަލް ނެގުމުގެ ފުރުސަތު ލިބޭނެއެވެ.
ޕޯސްޓު އޮފީހުން ބުނީ، ކުރިއެކޭވެސް އެއްފަދައިން ކުޅުދުއްފުށި ސިޓީގެ ޕޯސްޓް އޮފީސް މެދުވެރިކޮށް އަތޮޅުތެރޭގެ ރަށްތަކަށާއި، ސިޓީތަކަށް ފޮނުވުމަށް ބޭނުންވާ ތަކެތި ނުވަތަ ޕާރުސަލް ޕޯސްޓު ކުރުމުގެ ޚިދުމަތާއި، ރާއްޖެއިން ބޭރު އެހެން ޤައުމުތަކަށް ޕޯސްޓު ކުރުމުގެ ޚިދުމަތް ލިބޭނެ ކަމަށެވެ.
ކިޔުންތެރިންގެ ހިޔާލު