ހދ. ނައިވާދޫ ބަނދަރު ތަރަައްޤީކުރުމުގެ މަސައްކަތް ނިމުމަކާ ގާތްވެއްޖެއެވެ. އެ މަސައްކަތުގެ ކޮންޓްރެކްޓަރ އެމްޓީސީސީން ބުނީ މަޝްރޫޢުގެ 50 މަސަައްކަތް ނިމިފައިވާކަމަށެވެ.
މި މަޝްރޫޢުގެ ދަށުން، 231 މީޓަރުގެ އެއްގަމު ތޮށި ލުމާއި، 73 މީޓަރުގެ ރިވެޓްމަންޓް ޖަހާނެއެވެ. އަދި 290 މީޓަރުގެ ބޭރު ތޮށި ލާނެއެވެ.
އިމާރާތްކުރުމާބެހޭ ވުޒާރާއިން ބުނީ ނައިވާދޫ ބަނދަރު ތަރައްޤީކުރުމުގެ މަޝްރޫޢުގެ %50 މަސައްކަތް މިހާރު ނިމިފައިވާކަމަށެވެ. އެގޮތުން، އެއްގަމު ތޮށީގެ މަސައްކަތާއި، އައު ބަނދަރު ފުންކުރުމުގެ އިތުރުން، ރޭންޕާއި ބަލިމީހުން އަރާފޭބުމަށް ޚާއްސަ ޕްލެޓްފޯމުގެ މަސައްކަތްތައް ނިމިފައިވާކަމަށް ބުންޏެވެ. އެ ވުޒާރާއިން ބުނީ މި މަޝްރޫޢުގެ ތެރެއިން މިހާރު ކުރިއަށްދަނީ ޖެޓީގެ ތަނބުތައް ކޮންކްރީޓްކުރުމުގެ މަސައްކަތްތައްކަމަށެވެ. ބަނދަރު ތަރައްޤީކުރުމުގެ މަޝްރޫޢު ނިމޭއިރު ބަނދަރު ބައްތިއާއި، މަގު ބައްތި އަދި ބަނދަރު ޕޭވްމަންޓް ހެދުމުގެ މަސައްކަތްވެސް ހިމެނެއެވެ.
ހދ. ނައިވާދޫ ބަނދަރު ތަރައްޤީކުރުމުގެ މަޝްރޫޢު މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ، އެމްޓީސީސީއާ ޙަވާލުކުރީ 2023ވަނަ އަހަރުގެ ޖަނަވަރީމަހުގެތެރޭގައެވެ. ނާވައިދޫ ބަނދަރު ތަރައްޤީކުރުމުގެ މަޝްރޫޢު އެމްޓީސީސީއާ ޙަވާލުކޮށްފައިވަނީ 51.3 މިލިޔަން ރުފިޔާއަށެވެ.
ކިޔުންތެރިންގެ ހިޔާލު