ވޯލްޑްކަޕްގެ ޗެމްޕިއަން ޓީމަށް ތަށި ދެއްވާނީ އެމެރިކާގެ ރައީސް ޑޮނަލްޑް ޓްރަމްޕް ކަމަށް ދުނިޔޭގެ ފުޓްބޯޅަ ޖަމިއްޔާ ފީފާއިން ބުނެފިއެވެ.
ފީފާގެ ރައީސް ޖިއާނީ އިންފަންޓީނޯ ވިދާޅުވީ ޖުލައި 19 ވަނަ ދުވަހު އެމެރިކާގެ ނިއުޖާޒީގައި ވޯލްޑް ކަޕުގެ ޗެމްޕިއަންކަން ހޯދާ ޓީމަށް ތަށި ހަވާލުކޮށްދެއްވަން އޭނާއެކު ޓްރަމްޕް ބައިވެރިވަޑައިގަންނަވާނެ ކަމަށެވެ.މިއީ އިންފަންޓީނޯގެ ރައީސްކަމުގައި މިހާރު އަމަލުކުރަމުން އަންނަގޮތެވެ. މިކަމަށް އަންނަނީ ފާޑުކިޔުން އަމާޒުވަމުންނެވެ. ގަތަރު 2022ގައި ޗެމްޕިއަން އާޖެންޓީނާ ހޯދުމުން ތަށި ހަވާލުކޮށްދެއްވީ އިންފަންޓީނޯގެ އަރިހުގައި ހުންނަވައި ގަތަރުގެ އަމީރެވެ.
މިފަހަރުގެ ޗެމްޕިއަން ޓީމަށް ޓްރަމްޕު ތަށި ހަވާލުކުރާނެކަމަށް ފީފާއިން ބުނެފައިވާއިރު، އެމެރިކާގައި މިދިޔަ އަހަރު ބޭއްވި ކުލަބު ވޯލްޑް ކަޕްގެ ތަށި ދެއްވީ ވެސް ޓްރަމްޕެވެ. އެ ފަހަރު ތަށި ހަވާލުކުރެއްވުމަށްފަހު ސްޓޭޖުން ފައިބާ ވަޑައިނުގެން ޗެލްސީގެ ކުޅުންތެރިންނާއެކު ޓްރަމްޕް ހުންނެވުމުން ވަރަށް ގިނަ ފާޑުކިއުން ފީފާއަށް އަމާޒުވިއެވެ.
މީގެ ކުރިމްވެސް ޤައުމުތަކުގެ ބައެއް ވެރިން ތަށި ހަވާލުކޮށްފައި އެބަހުްޓެވެ. އެގޮތުން 1982 ވަނަ އަހަރު އިޓަލޫގެ ކެޕްޓަން ޑިނޯ ޒެފަށް ތަށި ހަވާލުކޮށްދެއްވީ ސްޕޭނުގެ ރަސްގެފާނު ހުއާން ކާލޮސްއެވެ. އަދި 1966 ވަނަ އަހަރު އިނގިރޭސިން ޗެމްޕިއަންކަން ހޯދުމުން ކެޕްޓަން ބޮބީ މުއާއަށް ތަށި ހަވާލުކޮށްދެއްވީ އިނގިރޭސިވިލާތުގެ ރާނީ އެލިޒަބަތުއެވެ.
ކިޔުންތެރިންގެ ހިޔާލު