ނިމިދިޔަ ވޯލްޑް ކަޕްގެ ފަިނަލް މެޗަށްފަހު ހިންގި ހަމަނުޖެހުންތަކާ ގުޅިގެން ފީފާއިން ފިޔަވަޅު އަޅައިފިއެވެ. ފީފާއިން މައްސަލަ ބެލުމަށްފަހު ފިޔަވަޅު އަޅާފައިވަނީ އާޖެންޓީނާގެ ކުޅުންތެރިންނާއި ސްޕޭނުގެ ގަވީއަށެވެ.
ފީފާއިން އެންމެ ބޮޑު ސަސްޕެންޑަށް ދީފައިވަނީ އާޖެންޓީނާގެ މިޑްފީލްޑަރު ލިއަންދްރޯ ޕަރެޑޭސް އަށެވެ. އޭނާ ސަސްޕެންޑް ކުރީ 10 މެޗަށެވެ. އަދި 90000 ޑޮލަރުން ވަނީ ޖޫރިމަނާ ކޮށްފައެވެ. ދެން އެންމެ ބޮޑު ސަސްޕެންޝަނެއް ކުރިމަތިވީ އާޖެންޓީނާގެ މޮލީނާއަށެވެ. އޭނާ ސަސްޕެންޑް ކުރީ ހަތް މެޗަށެވެ. އަދި 90000 ޑޮލަރުން ވަނީ ޖޫރިމަނާ ކޮށްފައެވެ.
ސްޕޭން އަތުން 1-0އިން ބަލިވި މެޗަށް ފަހު ޕަރެޑޭސް ވަނީ ސްޕޭނުގެ އެރިކް ގާސިއާގެ ކަރުގައި ހިފައި އެ ގައުމުގެ ގަވީ ބިމާ ހަމަކޮށްފައެވެ. ނަމަވެސް ގަވީ ފަހުން ބުނީ ޕެރަޑޭޝް އޭނާ އޭގެ ގައިގައި އަތްލައި ކޮށްޕާލިހެން ހީނުވާ ކަމަށެވެ. އެކަމަކު ފީފާއިން ވަނީ މައްސަލަ ބެލުމަށްފަހު ގަވީވެސް އެއް މެޗަށް ސަސްޕެންޑްކޮށް 30000 ޑޮލަރުން ޖޫރިމަނާ ކޮށްފައެވެ.
ފީފާއިން ވަނީ އާޖެންޓީނާގެ އެސިސްޓެންޓް ކޯޗު ރޮބާޓޯ އަޔާލާ ވެސް ތިން މެޗަށް ސަސްޕެންޑްކޮށް 30000 ޑޮލަރުން ޖޫރިމަނާ ކޮށްފައެވެ. ކުރޫގެ ވަރުގަދަ ޑިފެންޑަރުގެ ކުށަކީ ސްޕޭނުގެ އޮލްމޯއާ ދިމާކޮށް ހަމަނުޖެހުން ހިންގުމެވެ. ތަށި ދިފާއު ކުރަން ނުކުތް އާޖެންޓީނާއިން މެޗަށް ފަހު ހިންގި ހަމަނުޖެހުންތަކާއެކު އެ ގައުމުގެ ފުޓްބޯޅަ ފެޑަރޭޝަން ވެސް ވަނީ 321000 ޑޮލަރުން ޖޫރިމަނާ ކޮށްފައެވެ. މީގެ ތެރެއިން އެއް ލައްކަ ޑޮލަރު އިންވެސްޓް ކުރަން ޖެހެނީ ނަސްލީ ތަފާތު ކުރުމާ ދެކޮޅަށެވެ. މީގެ އިތުރުން އާޖެންޓީނާއިން އެންމެ އަވަހަށް ކުޅެން ޖެހޭ ދެ މެޗަށް ވެއްދޭނީ 50 ޕަސެންޓް ސަޕޯޓަރުން ކަމަށްވެސް ވަނީ ކަނޑައަޅާފައެވެ
މިކަމާ ގުޅިގެން އާޖެންޓީނާގެ ފުޓްބޯޅަ އެސޯސިއޭޝަނުން ބުނީ ނިންމުންތައް ފީފާގައި އިސްތިއުނާފު ކުރާނެކަމަށެވެ. އަދި ނާކާމިޔާބު ވެއްޖެނަމަ މައްސަލަ ކޯޓް އޮފް އާބިޓްރޭޝަން ނުވަތަ ކާސް އަށް ގެންދާނެކަމަށްވެސް ބުނެފައިވެއެވެ.
ކިޔުންތެރިންގެ ހިޔާލު