އެމަޖެންސީ ފަރުވާއަށް ހުޅުމާލެ ހޮސްޕިޓަލަށް ގެންދިއުމުގެ ތެރޭގައި ފިލި ގައިދީއަކު ހޯދައި، އަލުން ފުލުހުންގެ ބެލުމުގެ ދަށަށް ގެނެސްފައިވާ ކަމަށް ދިވެހި ފުލުހުންގެ ޚިދުމަތުން ހާމަކޮށްފިއެވެ.
މޯލްޑިވްސް ކަރެކްޝަނަލް ސާވިސްއިން މައުލޫމާތު ދޭ ގޮތުގައި، ލ. މާބައިދޫ، ޝަބްނަމްގެ، އުމުރުން 29 އަހަރުގެ ހުސައިން ޝަހުބާން ފިލާފައިވަނީ ކުއްލި ފަރުވާއަކަށް ހުޅުމާލެ ހޮސްޕިޓަލަށް ގެންދިއުމުގެ ތެރޭގައެވެ. ޝަހުބާނަކީ މާލޭގައި ހިނގި އަލިފާނުގެ ހާދިސާއަކާ ގުޅިގެން ތުހުމަތު ކުރެވޭ މީހެކެވެ. މާޗު 18 ވަނަ ދުވަހު މާލޭ ގަލޮޅު، ހިޔާރޯދި ގޭގައި ހިނގި އެ އަލިފާނުގެ ހާދިސާއާ ގުޅިގެން އޭނާ ހައްޔަރުކޮށް، ޝަރީއަތް ނިމެންދެން ބަންދުގައި ބެހެއްޓުމަށް އަމުރުކޮށްފައިވެއެވެ.
ފުލުހުން ބުނީ އޭނާ ހޯދައި، ބުރާސްފަތި ދުވަހު އަލުން ހައްޔަރުކޮށް، ކަރެކްޝަނަލް ސާވިސްއާ ހަވާލުކޮށްފައިވާ ކަމަށެވެ.
ކިޔުންތެރިންގެ ހިޔާލު