އެމްޑީޕީގެ ޗެއާސަޕާން އިންތިހާބަށް އެ ޕާޓީން ނެރުނު ޓައިމްލައިން ބާތިލު ކުރުމަށް ސިވިލް ކޯޓަށް މައްސަލައެއް މިއަދު ހުށަހަޅައިފި އެވެ.
އެ މައްސަލަ ކޯޓަށް ހުށަހެޅުއްވީ ގާނޫނީ ވަކީލު އަބްދުﷲ ޝާއިރެވެ.
އެ މައްސަލަ ކޯޓަށް ހުށަހެޅުއްވުމަށް ފަހު، މީޑިއާތަކަށް ޝާއިރު ފޮނުއްވި ބަޔާނެއްގައި ވިދާޅުވީ، ޓައިމްލައިންގައިވާ ނިންމުމަކީ ޕާޓީގެ އަސާސީ ގަވައިދުގެ 46 ވަނަ މާއްދާއާ ހިލާފު ނިންމުމެއް ކަމަށާއި އޭގެ ސަބަބުން އިންތިހާބުގައި ވާދަ ކުރައްވާ ކުރީގެ ރައީސް މުހައްމަދު ނަޝީދުގެ ކެމްޕެއިން ހަރަކާތަަށް ހުރަސް އެޅޭ ކަމަށެވެ
ޝާއިރުގެ ބަޔާނުގައި ވިދާޅުވީ، އެމްޑީޕީގެ އަސާސީ ގަވައިދުގެ 46 ވަނަ މާއްދާގައިވާ ގޮތުން، “ޗެއާޕާސަންގެ އިންހާބުގެ ކަންތައްތައް ހިންގާނީ އިސްތިއުނާފުގެ ފަނޑިޔާރު މަޖިލީހުގެ ރައީސް ކަމަށާއި ނަމަވެސް އިސްތިއުނާފް ފާނޑިޔާރުންގެ މަޖިލީހުގެ ރައީސް އަހްމަދު އަބްދުﷲ އަފީފް ވިދާޅުވާ ގޮތުން، ޗެއާޕާސަން އިންތިހާބަށް އިއުލާންކޮށްފައިވަނީ އޭނާއަށް އެންގުމެއް ނެތިއެވެ.
އެހެންވެ، އެ އިއުލާނަކީ ބާތިލް އިއުލާނެއް ކަމަށް ކަނޑައަޅައިދޭން ޝާއިއު އަފީފް ވަނީ އެދިފައެވެ.
އެމްޑީޕީން ކުރި އިއުލާނުގައިވާ ގޮތުން އެ ޕާޓީގެ ޗެއާޕާސަންގެ އިންތިހާބު ބާއްވަން ހަމަޖައްސާފައިވަނީ އަންނަ މަހުގެ 12 ވަނަ ދުވަހުއެވެ.
އެ އިންތިހާބުގައި ވާދަކުރައްވަނީ ކުރީގެ ރައީސް މުހައްމަދު ނަޝީދާއި އިބްރާހިމް މުހައްމަދު، (ވާޑު) އާއި ރައްޔިތުންގެ މަޖިލީހުގެ ގަލޮޅު ދެކޮޅު ދާއިރާގެ މެންބަރު މީކާއިލް ނަސީމެވެ. އެ ތިން ބޭފުޅުންވެސް މިހާރު ވަނީ އިންތިހާބުގެ ކެމްޕެއިން ފައްޓަވައިފައެވެ.
ކިޔުންތެރިންގެ ހިޔާލު