ކުރިޔަށް އޮތް ދެ ދުވަހު ވެސް ގުގުރުމާ އެކު، ބޯކޮށް ވާރޭ ވެހޭނެ ކަމަށް ލަފާކުރެވޭ ކަމަށް މެޓް އޮފީހުން ބުނެފިއެވެ.
މީޓްރޮލޮޖިސްޓް އަބްދުﷲ ހާފިޒް ވިދާޅުވީ، ކުރިޔަށް އޮތް ދެ ދެވަހު ގުގުރުމާ އެކު ބޯކޮށް ވާރޭ ވެހޭނެ ކަމަށް ދައްކާ ކަމަށާއި އޭގެ ސަބަބުން ބައެއް ރަށްތަކުގައި ފެންބޮޑުވުމުގެ ފުރުސަތު ބޮޑު ކަމަށެވެ.
“ރާއްޖޭގެ ހުރިހާ ހިސާބަކަށް ވެސް މާދަމާއަކީ ބޮޑަށް ވިއްސާރަ ދުވަހެއް. ބޯކޮށް ވާރޭ ވެހުމުގެ ފުރުސަތު އޮންނާނެ. ބައެއް ރަށްތަކަށް ފެން ބޮޑުވުމުގެ ފުރުސަތު އޮންނާނެ. ހާއްސަކޮށް މާދަމާ. އެވްރެޖުވައި އުޅޭނީ ފަސްމޭލު 15 މޭލާ ދެމެދު. ވިލާގަނޑު އަންނަ ގަޑީގައި ގާތްގަނޑަކަށް 30 މޭލަށް ގަދަވުމުގެ ފުރުސަތު އެބައޮތް،” ހާފިޒު ވިދާޅުވިއެވެ.
ކަނޑުތައް އާދައިގެ ވަރަކަށް މަޑުވާނެ ކަމަށާއި ނަމަވެސް ވިލާގަނޑުގައި ކަޑުތައް ގަދަވުން އެކަށީގެންވާ ކަމަށެވެ.
މިއަދުގެ 18:00 އާ ހަމަޔަށް މޫސުން ލަފާކޮށް މެޓް އޮފީހުން ބުނީ ރާއްޖޭގެ އެކި ހިސާބުތަކަށް ވިއްސާރަ ކުރާނެ ކަމަށާއި އަދި ގުގުރުމާ އެކު ބޯކޮށް ވާރޭ ވެހޭނެ ކަމަށެެވެ. އަދި ހުޅަނގުދެކުނާއި ހުޅަނގުން، ގަޑިއަކު އަށް މޭލާއި 18 މޭލާ ދެމެދުގެ ބާރު މިނުގައި ވައިޖޭހޭނެ ކަމަށެވެ. ވިލާގަނޑުގައި ގަޑިއަކު ގާތްގަނޑަކަށް 35 މޭލު ބާރު މިނުގައި ވައިގަދަވުން އެކަށީގެންވާ ކަމަށެވެ.
ކަނޑުގެ ރާޅުގެ އުސްމިނުގައި ތިން ފޫޓާއި ފަސް ފޫޓު ހުންނާނެ ކަމަށްވެސް މެޓް އޮފީހުން ލަފާކޮށްފައިވެއެވެ.
ކިޔުންތެރިންގެ ހިޔާލު