މިސަރުކާރުގެ ވަޒީރުންނަށް ރުހުންދޭން މަޖިލީހަށް ފޮނުއްވާފައިވާ މައްސަލާގައި، އެ ވަޒީރުންނަށް ރުހުންދެއްވުމަށް އިދިކޮޅު އެމްޑީޕީގެ މެންބަރުން ވޯޓު ދެއްވައި ރައީސް ޑރ. މުޢިއްޒުގެ ސަރުކާރު ބަރާބަރުކަމަށް ވިދާޅުވެފައިވާކަމަށް ޕީއެންސީގެ ނައިބުރައީސް އަދި މަސްވެރިކަމާބެހޭ ވަޒީރު ވިދާޅުވެއްޖެއެވެ.
ބ. ކެންދޫ ކައުންސިލް ފުރަތަމަފަހަރަށް ވެރިކަންކުރާ ޕީއެންސީއަށް ލިބުމާއި ގުޅިގެން އެކަން ފާހަގަކުރުމަށް ޕީއެންސީ މައި ޖަގަހާގައި ރޭ ބެއްވި ޖަލްސާގައި ޝިޔާމް ވިދާޅުވީ، ސަރުކާރުގެ ވަޒީރުންނަށް ރުހުން ދިނުމުގެ ވޯޓުގައި އެމްޑީޕީގެ މެންބަރުން ވޯޓު ދެއްވި ގޮތަކީ ސަރުކާރާމެދު އެ ބޭފުޅުންގެ އިތުބާރުވެސް އޮތްކަމަށް ދަލީލުކުރާ ކަމެއް ކަމަށެވެ.
މަޖިލީހުގައި ނެގިގެންދިޔަ ވޯޓަކީ ރައްޔިތުންގެ މަޖިލީހުގެ އިތުބާރު މި ސަރުކާރަށް އޮތްތޯ ނެތްތޯ ހަގީގަތުގައި ނެގިގެން އެދިޔައީ. އަޅުގަނޑުމެންނަށް ފެނިގެންދިޔައީ އެމްޑީޕީގެ ރައްޔިތުން ތަމްސީލުކުރައްވަން ތިއްބެވި ރައްޔިތުންގެ މަޖިލީހުގެ މެންބަރުން ރައީސް ޑރ.މުޢިއްޒުގެ މި ސަރުކާރަށް އެބޭފުޅުން ވިދާޅުވީ ސަރުކާރު ބަރާބަރޭ.
Advertisement
އަޙްމަދު ޝިޔާމް ވިދާޅުވިއެވެ.
ޝިޔާމް ވިދާޅުވީ، ރަނގަޅު ގޮތް އިހުތިޔާރުކުރައްވައިގެން އެގޮތަށް ވޯޓުދެއްވުން އެމްޑީޕީއަށް ބަލައިނުގަނެވުނުކަމަށާއި، ނަތީޖާއެއްގެ ގޮތުން މެންބަރުންނަށް އެކި ގޮތްގޮތުން ދުއްތުރާކޮށްގެން އެ މެންބަރުން ކުޑަކަކޫ ޖައްސުވާފައިވާކަމަށެވެ. އެމްޑީޕީން މަސައްކަތްކުރަމުންދަނީ ސިޔާސީ ގޮތުން އަމިއްލަ މަންފާތަކެއް ހާސިލުކުރުމަށްކަމށާއި، އެއީ ގައުމީ ވަތަނީ މަސައްކަތެއް ނޫންކަމަށްވެސް ޝިޔާމް ވިދާޅުވިއެވެ. އަދި އެއީ އަމިއްލަ މަންފާއާއި ފައިދާތަކެއް ހާސިލުކުރުމަށް ކުރަމުންދާ މަސައްކަތްތަކެއްގެކަމަށްވެސް ނައިފަރު ދާއިރާގެ މެންބަރުކަން ކުރިންކުރެއްވި ޝިޔާމް ވިދާޅުވިއެވެ.
ކިޔުންތެރިންގެ ހިޔާލު