ވައިގެ ކޮލިޓީ ބެލުމަށް މާލޭ ސަރަހައްދުގައި މިއަހަރު ތެރޭގައި 4 ސްޓޭޝަން ޤާއިމްކުރުމަށް މަސައްކަތް ކުރަމުން އަންނަ ކަމަށް މޫސުމީ ބަދަލުތަކާއި ތިމާވެއްޓާއި ހަކަތައާ ބެހޭ ވުޒާރާއިން ވިދާޅުވެއްޖެއެެވެ.
ރާއްޖޭގެ ވައިގެ ކޮލިޓީ ދައްވުމާއި ދުންފުހުގެ އަސަރު މިފަހަކަށް އައިސް ދަނީ ވަރަށް ބޮޑަށް ކުރަމުންނެވެ. އެގޮތުން މިކަން އެންމެ އެދެވޭ ގޮތެއްގައި ބެލޭނެ އިންތިޒާމްތަކެއް ހަމަޖެހިފައި ހުރުމަކީ ވަރަށް މުހިންމުކަމެކެވެ. މިކަމަށް ހައްލު ހޯދުމުގެ ގޮތުން ސަރުކާރުން ދަނީ ގިނަ މަސައްކަތްތަކެއް ކުރަމުންނެއެވެ.
މޫސުމީ ބަދަލުތަކާއި ތިމާވެއްޓާއި ހަކަތައާ ބެހޭ ވުޒާރާގެ އެންވަޔަރަންމަންޓު މެނޭޖްމަންޓު އެންޑް ކޮންސަރވޭޝަން ޑިޕާޓްމަންޓުގެ ޑެޕިއުޓީ ޑިރެކްޓަރ ޖެނެރަލް މިރުޒާ މުހައްމަދު ވިދާޅުވީ ރާއްޖޭގެ ވައިގެ ކޮލިޓީ ބެލުމަށް ގިނަ މަސައްކަތްތައް ކުރަމުންދާކަމަށެވެ. އެގޮތުން މިވަގުތު ރާއްޖޭގެ އެކި ހިސާބުތަކުގައި އާންމުންނަށް ފޯނުން އެއަރ ކޮލިޓީ މިހާރު ބެލޭނެ އިންތިޒާމުތައް ހަމަޖައްސާފައިވާނެކަމަށް ވިދާޅުވިއެވެ. އެގޮތުން ރާއްޖޭގެ 7 ރަށެއްގައި މި ނިޒާމު ޤާއިމްކޮށްފައިވާކަމަށް ވިދާޅުވިއެވެ. އެ 7 ރަށަކީ ވިލިނގިލި، ށ. ފުނަދޫ، ލ.ގަން، ފުވައްމުލައް ސިޓީ، އައްޑޫ ސިޓީ، ދ. ކުޑަހުވަދޫ، އަދި ކުޅުދުއްފުށިއެވެ.
ކިޔުންތެރިންގެ ހިޔާލު