ދިރާގުގެ ‘ވިން 2 ސްޕީޑްބޯޓްސް’ ޕްރޮމޯޝަންގެ ދެވަނަ އަދި އެންމެ ފަހު ނަސީބުވެރިޔާ ޖޫން މަހުގެ ތެރޭގައި ހޮވާނެކަން އެ ކުންފުނިން އިއުލާންކޮށްފިއެވެ.

ދިރާގުން ނެރުނު ނޫސް ބަޔާނުގައިވާ ގޮތުން، މުޅި ރާއްޖެއަށް ހުޅުވާލައިގެން ކުރިއަށްގެންދިޔަ އެ ޕްރޮމޯޝަންގެ ނަސީބުވެރި ފަރާތަކަށް ‘އަލް ޝާލީ މެރިން ކެނެރީ 28’ މޮޑެލްގެ ސްޕޯޓްސް ސްޕީޑްބޯޓެއް ލިބޭނެއެވެ. އެއީ 250 ހޯސްޕަވަރުގެ ޔަމަހާ އައުޓްބޯޑް އިންޖީނު އަޅާފައިވާ، ކަނޑުމަތީގެ އެކި ބޭނުންތަކަށް އެކަށީގެންވާ އުޅަނދެކެވެ. އެ ޕްރޮމޯޝަންގެ ފުރަތަމަ ނަސީބުވެރިޔާ މިދިޔަ ޖެނުއަރީ މަހު ހޮވައި، މިހާރު ވަނީ ލޯންޗު ހަވާލުކޮށްފައެވެ.

ދިރާގުން ބުނީ އެއީ ދިރާގުގެ ޕްރިޕެއިޑް، ޕޯސްޓްޕެއިޑް އަދި ފައިބާ ބްރޯޑްބޭންޑް ހިދުމަތް ބޭނުންކުރާ ހުރިހާ ކަސްޓަމަރުންނަށް ހުޅުވާލައިގެން ކުރިއަށްގެންދިޔަ ޕްރޮމޯޝަނެއް ކަމަށެވެ. ފުރަތަމަ ބުރުގައި ބައިވެރިވި ފަރާތްތައް ވެސް ދެވަނަ ގުރުއަތުލުމުގައި ހިމެނޭނެ ކަމަށް ދިރާގުން ބުންޏެވެ. އެންމެ ފަހު ސްޕީޑްބޯޓު ހާސިލުކުރުމުގެ ފުރުސަތު ދެމެހެއްޓުމަށް، ކަނޑައެޅިފައިވާ ޝަރުތުތައް ފުރިހަމަކޮށް ހިދުމަތްތައް މެދުނުކެނޑި ބޭނުންކުރުމަށް އެ ކުންފުނިން ވަނީ އިލްތިމާސްކޮށްފައެވެ.

ދެވަނަ ލޯންޗުގެ ނަސީބުވެރިޔާ ހޮވުމަށް ބާއްވާ ގުރުއަތުލުމުގެ އިތުރު ތަފްސީލުތައް ކުރިއަށް އޮތް ދުވަސްތަކުގައި ހާމަކުރާނެ ކަމަށް ދިރާގުން ބުނެއެވެ.

ދިރާގުގެ އަމާޒަކީ ކަސްޓަމަރުންނަށް މިފަދަ އަގުހުރި ފުރުސަތުތަކެއް ފަހިކޮށްދިނުމާއެކު، މުޅި ރާއްޖެ ޑިޖިޓަލް ވަސީލަތްތަކުން ގުޅުވާލައި، ދިވެހިންގެ ދިރިއުޅުމަށް ފާގަތިކަމާއި ކުރިއެރުން ގެނެސްދިނުމެވެ.