އިންތިހާބާބެހޭ މަރުކަޒާ ޖެހިގެން ހުންނަ ކެމިކަލް ގުދަނެއްގައި ރޭ ހިނގި އަލިފާނުގެ ހާދިސާގެ ސަބަބުން، ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ އިންތިހާބުގެ މަސައްކަތް ވަގުތީ ގޮތުން ސޯޝަލް ސެންޓަރަށް ބަދަލުކޮށްފި އެވެ.

އަލިފާނުގެ ހާދިސާ ހިނގާފައިވަނީ ކ. ކައިރުގޭގައި ހުންނަ ޕްރައިމް ގޯޑައުން – 1 ގަ އެވެ.

އެ ހާދިސާ ހިނގުމާއެކު އިންތިހާބީ މަރުކަޒުގައި ހުރި ހުރިހާ ސެޓަޕެއް ރޭ ވަނީ ސޯޝަލް ސެންޓަރަށް ގެންގޮސްފަ އެވެ. އަދި މިހާރުވަނީ މެދުކަނޑާލާފައިވާ ވޯޓު ދިނުމުގެ ހައްފު ލިބިގެންވާ މީހުންގެ ފައިނަލް ރަޖިސްޓަރީގައި ސިޔާސީ ޕާޓީތަކުންނާއި ކެންޑިޑޭޓުންގެ ފަރާތުން ސޮއިކުރުމުގެ މަސައްކަތް އަލުން ފަށާފަ އެވެ.

ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމެޓީތަކުގެ އިންތިހާބު ބާއްވަން ހަމަޖެހިފައިވަނީ އަންނަ މަހު 4ގަ އެވެ.