އެމެރިކާ އާއި އިޒްރޭލު އިސްވެ އޮވެ އިރާނަށް ހަމަލާދެމުންދާ މި ދަނޑިވަޅުގައި، ދާދި ފަހުން ވެލާނާ އެއާޕޯޓުން އެމެރިކާގެ ހަނގުރާމަމަތީ ބޯޓަކަށް ތެޔޮ އަޅައިދިން ކަމަށް ބުނެ ފަތުރަމުންދާ ޚަބަރު ރައީސް ޑރ. މުހައްމަދު މުއިއްޒު މިއަދު ދޮގުކުރައްވައިފި އެވެ.
މިއަދު ރައީސް އޮފީހުގައި ކުރިއަށް ގެންދިޔަ ނޫސްވެރިންގެ ބައްދަލުވުމުގައި ނޫސްވެރިޔަކު ކުރި ސުވާލަކަށް ޖަވާބުދެއްވަމުން ރައީސް ވިދާޅުވީ އެރޭ ވީއައިއޭގައި ޖައްސާފައިވަނީ ސިވިލިއަން އެއާކްރާފްޓެއް ކަމަށެވެ.
ރައީސް ވިދާޅުވީ އެ އެއާކްރާފްޓަކީ ސީޝެލްސް އިން ރާއްޖެއައި އެއްޗެއް ކަމަށާއި ރާއްޖޭން ފުރައިގެން ގޮސްފައިވަނީ ތައިލެންޑަށް ކަމަށެވެ.
“އެއީކީ ހަނގުރާމަމަތީ މަތިންދާބޯއްޓެއް ނޫން، އަޅުގަނޑުވެސް ތި މައުލޫމާތު ލިބިގެން ހޯދިއިރު އެއީ ސިވިލިއަން އެއާކްރާފްޓެއް، އެމީހުންގެ އެއާކްރާފްޓެއް، އޮތީ ހުއްދަވެސް ނަގާފަ މާކުރިން، ޖެނުއަރީ 17 ވަނަ ދުވަހު ރާއްޖެއަށް އަންނަން. ދެން އެމީހުން އެރޭ ބޯޓު ފުރައިގެން ދިޔައީ ސީޝެލްސް އިން ރާއްޖެއައިސް ޖައްސާފަ ތައިލެންޑަށް، އެއީ ހަނގުރާމައިގެ އެއްޗެއް ނޫން،” ރައީސް
ރައީސް ވިދާޅުވީ އެ އެއާކްރާފްޓާ ހަނގުރާމައާ ގުޅުމެއް ނެތް ކަމަށެވެ.
ކިޔުންތެރިންގެ ހިޔާލު