އެސްޓީއޯގެ ޑިރެކްޓަރުންގެ ބޯޑުގައި އާންމު ހިއްސާދާރުން ތަމްސީލުކުރުމަށް، ބޯޑަށް ކުރިމަތިލުމުގެ ފުރުސަތު މިއަދު ހުޅުވާލައިފިއެވެ.
އެސްޓީއޯ އިން މިއަދު ކުރި އިއުލާނެއްގައި ވަނީ އެ ކުންފުނީގެ ޑިރެކްޓަރުންގެ ބޯޑަށް ކުރިމަތިލާ މީހުންގެ ހުންނަންވާ ޝަރުތުތައް ބަޔާންކޮށްފައެވެ.
އިއުލާނުގައި ބުނެފައިވާ ގޮތުން، އެސްޓީއޯގެ ޑިރެކްޓަރުންގެ ބޯޑަށް ކުރިމަތިލުމަށް އެދި ހުށަހަޅާ ފޯމް އަދި ފޯމާއެކު ހުށަހަޅަންޖެހޭ ޑޮކިއުމަންޓްތައް ފުރިހަމަކުރުމަށްފަހު ފޮނުވަންޖެހޭނީ [email protected] އަށް ނުވަތަ އެ ކުންފުނީގެ ވެބްސައިޓުގައި ހަދާފައިވާ ޕްލެޓްފޯމް މެދުވެރިކޮށެވެ. ފޯމް ފޮނުވުމުގެ ސުންގަޑިއަކީ 25 ފެބްރުއަރީ 2026ގެ މެންދުރުފަހު 03:00 އެވެ.
މި މަގާމަށް އަންހެނުން ކުރިމަތިލުމަށްވެސް އެސްޓީއޯއިން ކުރި އިއުލާނުގައި ބާރު އަޅާފައިވެއެވެ.
އެސްޓީއޯގެ ޑިރެކްޓަރުންގެ ބޯޑުގައި ހިމެނޭނީ އާންމު ހިއްސާދާރުން ތަމްސީލުކުރާ އެއް މެންބަރާއި ސަރުކާރުގެ ފަރާތުން ހަ މެންބަރުންނެވެ. ޑިރެކްޓަރުންގެ ބޯޑުގައި ހިމެނޭނީ އާންމު ހިއްސާދާރުން ތަމްސީލުކުރާ މެންބަރު އިންތިހާބުކުރާނީ ކުންފުނީގެ އަހަރީ އާންމު ޖަލްސާގައި ހިއްސާދާރުންގެ މެދުގައި ނަގާ ވޯޓަކުންނެވެ.
ކިޔުންތެރިންގެ ހިޔާލު