އެސްޓީއޯ ޖެނެރަލް ޓްރޭޑިން އިން ރާއްޖޭގެ މާކެޓަށް އިނގިރޭސި ވިލާތުގެ މަޝްހޫރު “ޑައިސަން” ބްރޭންޑުގެ އުފެއްދުންތައް ތައާރަފު ކޮށްފިއެވެ.
އެ ކުންފުނިން ބާޒާރަށް ނެރުނު ޑައިސަންގެ އުފެއްދުންތަކުގެ ތެރޭގައި ސޯޝަލް މީޑިއާގައި ވެސް މަގުބޫލު އެ ބްރޭންޑުގެ ހެޔާ ޑްރަޔާ އާއި ހެއާ ސްޓްރެއިޓްނާ ފަދަ އިސްތަށިގަނޑު ސްޓައިލް ކުރާ ބާވަތްތައް ހިމެނެއެވެ. މިއީ މިފަދަ ޕްރޮޑަކްޓުތަކުން އާއްމުކޮށް އިސްތަށިގަނޑަށް ލިބޭ ހީޓް ޑެމޭޖުން ރައްކާތެރިކޮށްދޭ ފަދަ ޓެކްނޮލޮޖީއެއް ހިމެނޭ އުފެއްދުންތަކެކެވެ.
އެ އުފެއްދުންތައް ރާއްޖެ އަށް ތައާރަފު ކުރުމަށް އެސްޓީއޯ ޖެނެރަލް ޓްރޭޑިން އިން ބޭއްވި ހާއްސަ އިވެންޓުގައި އަނާ ސެލޫންއާ ގުޅިގެން މި ޕްރޮޑަކްޓުތައް ބޭނުން ކުރާނެ ގޮތް، އެ ސެލޫންގެ ސްޓައިލިސްޓުން ވަނީ ދައްކާލައިފައެވެ.
އިސްތަށިގަނޑު ސްޓައިލް ކުރުމަށް ހާއްސަ އުފެއްދުންތަކުގެ އިތުރުން ޑައިސަން ވެކިއުމް ކްލީނާ ވެސް އެސްޓީއޯ އިން މާކެޓަށް ނެރުނު ޕްރޮޑަކްޓުތަކުގެ ތެރޭގައި ހިމެނެއެވެ.
އެ ކުންފުނިން ބުނީ ދުނިޔޭގެ މަގުބޫލު މިފަދަ ބްރޭންޑެއް ތައާރަފްކުރީ އެ ބްރޭންޑުގެ އޮތެންޓިކް އުފެއްދުންތައް އެންމެ ރަނގަޅު އަގުގައި ދިވެހިންނަށް ފޯރުކޮށްދިނުމަށް ކަމަށެވެ. އަދި މި ބްރޭންޑުގެ އިތުރު އުފެއްދުންތައް ގެނައުމަށް މަސައްކަތް ކުރަމުން އަންނަ ކަމަށް ބުންޏެވެ. އެގޮތުން ޑައިސަން އެއާޕިއުރިފަޔާ ފަދަ އެކި ޕްރޮޑަކްޓުތައް ގެންނާނެ ކަމަށް ބުންޏެވެ.
ކިޔުންތެރިންގެ ހިޔާލު