ކުރީގެ ސަރުކާރުން ނިންމިގޮތަށް ފްލެޓް ދޭނެކަމަށް ރައީސް ޑރ. މުހައްމަދު މުއިއްޒު ވެވަޑައިގެންނެވި ވައުދާ އެއްގޮތަށް ކަސްޓަމްސްގެ 100 މުވައްޒަފުންނަށް ފްލެޓް ހަމަޖައްސައި އެކަން އަންގައިފިއެވެ.
ފަހި ދިރިއުޅުން ކޯޕަރޭޝަނުން މިހާރު ވަނީ ފްލެޓް ލިބުނު ކަސްޓަމްސްގެ 100 މުވައްޒަފުންނަށް އެކަން އަންގާފައެވެ.
ކަސްޓަމްސްގެ މުވައްޒަފުންނަށް ފްލެޓް ލިބުނީ ގެދޮރުވެރިޔާ ސްކީމްގެ ދަށުން ހުޅުމާލޭގެ ދެވަނަ ފިޔަވަހީގައި އިމާރާތްކޮށްފައިވާ ޓަވަރުތަކުންނެވެ.
އެ މުވައްޒަފުންނާއެކު އެއްބަސްވުމުގައި ސޮއިކޮށް، ފްލެޓްގެ ތަޅުދަނޑި ހަވާލުކުރުމުގެ މަސައްކަތް ފަހި ދިރިއުޅުން ކޯޕަރޭޝަނުން އަންނަނީ ކުރަމުންނެވެ.
ކުރީގެ ސަރުކާރުން ހައްގުގޮތުގައި އެއްވެސް މީހަކަށް ދީފައިވާ ފްލެޓެއް އަތުނުލާނެ ކަމަށް ރިޔާސީ އިންތިޚާބުގެ ކެމްޕޭންގެ ތެރޭގައި ރައީސް މުއިއްޒު ވަނީ ވައުދުވެވަޑައިގެންފައެވެ. މިއަދު އެމަނިކުފާނު މިވަނީ އެ ވައުދު ފުއްދަވާފައެވެ.
ކިޔުންތެރިންގެ ހިޔާލު