މިދިޔަ އަހަރުވެސް އައިލެންޑް އޭވިއޭޝަނަށް 2.8 މިލިއަން ރުފިޔާ ގެއްލުންވެފައިވާ ކަމަށް އެކުންފުނީގެ އޮޑިޓް ރިޕޯޓުން ދައްކައިފިއެވެ.
އޮޑިޓަ ޖެނެރަލްގެ އޮފީހުން ނެރެފައިވާ އެ ކުންފުނީގެ އޮޑިޓް ރިޕޯޓު ދައްކާގޮތުން މިދިޔަ އަހަރު އެ ކުންފުންޏަށް އާމްދަނީގެ ގޮތުގައި ލިބިފައިވަނީ 2.27 ބިލިއަން ރުފިޔާއެވެ.
އެއިން ހިންގުމުގެ ހަރަދު ކެނޑުމުން، ހިންގުމުގެ ފައިދާގެ ގޮތުގައި ލިބިފައިވާ ކަމަށް ދައްކަނީ 171 މިލިއަން ރުފިޔާއެވެ. މިދިޔަ އަހަރު އެންމެ ބޮޑު ހަރަދެއް ހިނގާފައިވަނީ މުވައްޒަފުންގެ މުސާރައަށާއި ފުލައިޓުތަކަށް އަޅަންޖެހޭ ތެލަށެވެ. އެގޮތުން މުވައްޒަފުންގެ މުސާރަށް 556.9 މިލިއަން ރުފިޔާ ހަރަދުކޮށްފައިވާ އިރު، ތެލަށް ހަރަދުކޮށްފައިވަނީ 478.5 މިލިއަން ރުފިޔާއެވެ.
އޮޑިޓް ރިޕޯޓުން ދައްކާގޮތުގައި އައިލެންޑް އޭވިއޭޝަނަށްގެ ފައިނޭންސިން ހަރަދުތަކާއި ޓެކްސްއަށް ދައްކާފައިވާ ފައިސާ ކެނޑުމުން 2.8 މިލިއަން ރުފިޔާގެ ގެއްލުމެއް ވެފައިވެއެވެ.
އައިލެންޑް އޭވިއޭޝަންގެ 2023 ވަނަ އަހަރުގެ ގެއްލުމަށްވުރެ މިއަހަރުގެ ގެއްލުން ބޮޑުތަން ވަނީ ކުޑަކުރެވިފައެވެ. މިދިޔަ އަހަރު ނިންމާލީ 71.4 މިލިއަން ރުފިޔާގެ ގެއްލުމުގައެވެ.
ކިޔުންތެރިންގެ ހިޔާލު