ރާއްޖޭގެ ޞިއްޙީ ދާއިރާގެ ކުރިއެރުމަށް ބޭނުންވާ ކަންކަމުގައި އެހީތެރިކަން ހޯދުމަށް ބުރޫނާއީއާއެކު މަޝްވަރާކުރައްވައިފިއެވެ.
މި މަޝަވަރާތައް ކުރިއަށް ދިޔައީ މިހާރު ރާއްޖެވަޑައިގެން އުޅުއްވާ ބުރޫނާއީގެ ޞިއްޙީ ދާއިރާގެ ޓޭކްނިކަލް ބޭފުޅުންތަކަކާއެކު ކުރިއަށްދިޔަ ބައްދަލުކުރެއްވުމުގައެވެ. އެޓީމުގައި ބްރޫނާއީގެ ޕްރައިމަރީ ހެލްތުކެއަރގެ ޗީފް ކްލިނިކަލް ސްޕެޝަލިޓީ ސާރވިސްގެ މަންދޫބުން ހިމެނޭކަމަށް ސިއްޙީ ވުޒާރާއިން ވިދާޅުވެއެވެ.
Minister @ANazim2019 and senior officials met with Ms. Payden, the newly appointed WHO Representative, to discuss areas of collaboration and partnership. @WHOMaldives pic.twitter.com/nqHIBHEx4a
Advertisement— Ministry of Health (@MoHmv) May 6, 2025
މި ބައްދަލުވުމުގައި މަޝްވަރާކޮށްފައިވަނީ ޕްރައިމަރީ ހެލްތު ކެއަރގެ ޚިދުމަތް ހަރުދަނާ ކުރުމަށާއި ޚާއްޞަކޮށް އަރބަން ޕްރައިމަރީ ހެލްތުކެއަރ ގުޅޭގޮތުންނެވެ. މީގެ އިތުރުން ހަކުރުބަލި މެނޭޖްކުރުމާއި ނަފްސާނީ ކަންކަމަށް ޚާއްޞަކޮށް ނަރުހުން ތަމްރީންކުރުމާއި ކެންސަރަށް ފަރުވާ ދިނުމުގެ ޚިދުމަތްތައް ތަރައްޤީކުރުމުގައި އެހީތެރިކަމާއި އެއްބާރުލުން ހޯދުމަށްވެސް މަޝްވަރާކުރިކަމަށް ޞިއްޙީ ވުޒާރާއިން ވިދާޅުވެއެވެ.
މި ބައްދަލުކުރެއްވުމުގައި ވަނީ މެޑިސިން ކިޔަވާ ދިވެހި ދަރިވަރުންނަށް ބްރޫނާއީގައި އިންޓަރންޝިޕް ހެދުމުގެ ފުރުޞަތު ހޯދުމަށާއި ޕަބްލިކް ހެލްތާއި ގުޅުންހުރި މޯބައިލް އެޕްލިކޭޝަން ތައްޔާރުކުރުމަށް، އެކަމުގެ ޢިލްމާއި ތަޖުރިބާ ހިއްސާކުރުމަށްވެސް މަޝްވަރާކޮށްފައެވެ. އަދި ދުންފަތުގެ އިސްތިއުމާލުކުރުން ހުއްޓާލުމަށް އެހީތެރިވެދޭ ކްލިނިކްތައް ހިންގުމުގެ ސްޓްރެޓެޖީތަކާއި އެންމެ ރަނގަޅު އުސޫލުތައް ވެސް ބިއް ބައްދަލުވުމުގައި ހިއްސާކޮށްފައިވެއެވެ.
ބުރޫނާއީގެ ޓީމުން ވަނީ މާލޭގައި ޞިއްޙީ ޚިދުމަތްދޭ މުހިންމު ތަންތަނަށް ޒިޔާރަތްކޮށްފައެވެ. އޭގެ ތެރޭގައި އިންދިރާ ގާންދީ މެމޯރިއަލް ހޮސްޕިޓަލްއާއި ދަމަނަވެށި އަދި ރާއްޖޭގެ ހެލްތްކެއާ އިންފްރާސްޓްރަކްޗާ އާއި ހިދުމަތް ފޯރުކޮށްދިނުމުގެ ކަންކަން ވަނީ ބަލަފައެވެ.
ކިޔުންތެރިންގެ ހިޔާލު