ރާއްޖޭގެ އިސްލާމީ ޝަޚްޞިއްޔަތާއި ދީނީ ވަޙުދަތުގެ އެންމެ ބޮޑު އެއް ރައުސް މާލަކީ މިސްކިތްތަކުގެ އިމާމުންކަމަށް އިސްލާމީކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވިދާޅުވެއްޖެއެވެ.
ވަޒީރު ޑރ. ޝަހީމް މިއަދު ވަނީ އިސްލާމީ ޔުނިވާސިޓީން ދަސްވެނިވި އިމާމުންނާއި ބައްދަލު ކުރައްވާފައެވެ. އެ ބައްދަލުކުރެއްވުމުގައި ވަޒީރު ވަނީ ގިނަ އަދަދެއްގެ އިމާމުން ދަސްނެވިވެފައިވާތީ އެކަމާއި އުފާ ކުރައްވާކަމަށާއި އިމާމުން ހޯދި ފުރިހަމަ ކާމިޔާބީއަށް މަރުޙަބާ ކިޔުއްވާފައެވެ. މި ބައްދަލުކުރެއްވުމުގައި އިމާމުން ވަނީ އެ ފަރާތްތަކަށް ދިމާވާ އެކި ދަތިތަކުގެ މަޢުލޫމާތު ވަޒީރާއި ހިއްސާ ކުރައްވާފައެވެ.
ރާއްޖޭގެ އިސްލާމީ ޝަޚްޞިއްޔަތާއި ދީނީ ވަޙުދަތުގެ އެންމެ ބޮޑު އެއް ރައުސްމާލަކީ މިސްކިތްތަކުގެ އިމާމުން. އިމާމުންނަކީ މަތީ ތައުލީމާއި ޒަމާނީ ތަމްރީނު ލިބިފައިވާ ބަޔަކަށް ހެދުމަކީ ވުޒާރާގެ އަޒުމެއް. އައިޔޫއެމްގެ މަތީ މަރްހަލާތަކުން ދަސްވެނިވި އިމާމުންނަށް މަރުޙަބާ. pic.twitter.com/MujfzfSw4w
Advertisement— Mohamed Shaheem Ali Saeed (@Mohamedshaheem1) April 19, 2025
އެ ބައްދަލުވުމަށްފަހު ވަޒީރު ރަސްމީ އެކްސް އެކައުންޓުގައި ކުރެއްވި ޕޯސްޓެއްގައި ވިދާޅުވީ، އިމާމުންނަކީ މަތީ ތަޢުލީމާއި ޒަމާނީ ތަމްރީނު ލިބިފައިވާ ބަޔަކަށް ހެދުމަކީ ވުޒާރާގެ އަޒުމެއްކަމަށާއި ނޭއްގާނީ ފިކުރުން މުޖުތަމަޢު ސަލާމަތް ކުރެވޭނީ ޢިލްމު އުނގަންނައިދީގެންކަމަށެވެ.
ވަޒީރު ވަނީ އިމާމުންނަށް ދިމާވާ ދަތިތަކަށް ޙައްލު ހޯދައިދެއްވާނެކަމަށް ވިދާޅުވެފައެވެ.
ކިޔުންތެރިންގެ ހިޔާލު